പത്തനംതിട്ട : റാന്നിയിൽ കോറോണ റിപ്പോർട്ട് ചെയ്തുവെന്നത് വ്യാജ വാർത്ത.പത്തനംതിട്ട ജില്ലയിലെ റാന്നി താലൂക്ക് ആശുപത്രിയിൽ പ്രവേശിപ്പിച്ച ദമ്പതികൾക്ക് കോറോണ വൈറസ് രോഗം റിപ്പോർട്ട് ചെയ്തു എന്ന രീതിയിൽ പ്രചരിക്കുന്ന കാര്യങ്ങൾ വ്യാജമാണെന്ന് ജില്ലാ കളക്ടർ പി.ബി നൂഹ് അറിയിച്ചു. ഇത്തരത്തിലുള്ള വ്യാജ വാർത്തകൾ പ്രചരിപ്പിക്കുന്നവർക്കെതിരെ കേസ് എടുക്കാൻ ജില്ലാ പോലീസ് മേധാവിക്ക് കളക്ടർ നിർദേശം നൽകി. ഇറ്റലിയിൽ നിന്ന് എത്തിയ ദമ്പതികളെ ഐസലേഷൻ വാർഡിൽ പ്രവേശിപ്പിച്ചിട്ടുണ്ട്. ഇവരുടെ സാമ്പിളുകൾ പരിശോധനയ്ക്ക് അയച്ചിട്ടുമുണ്ട്. മുൻ കരുതലിന്റെ ഭാഗമായാണ് ഇവരെ ഐസലേഷൻ വാർഡിൽ പ്രവേശിപ്പിച്ചിരിക്കുന്നത്. കൊറോണ റിപ്പോർട്ട് ചെയ്തുവെന്ന തരത്തത്തിൽ വ്യാജ വാർത്തകൾ പ്രചരിപ്പിച്ചവരെ കണ്ടെത്തുവാൻ സൈബർ സെല്ലിനും ജില്ലാ കളക്ടർ നിർദേശം നൽകിയിട്ടുണ്ട്.