കൊട്ടാരക്കര : അറിവാണ് ശക്തിയും അധികാരവുമെന്ന് എൻ കെ പ്രേമചന്ദ്രൻ. എം പി നെടുവത്തൂർ ഈശ്വര വിലാസം ഹയർ സെക്കന്ററി സ്കൂൾ കലോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അറിവുള്ള സമൂഹത്തെ വാർത്തെടുക്കാനുള്ള കേവലമായ ഒരു പ്രക്രിയ മാത്രമാണ് വിദ്യാഭ്യാസം .വിജ്ഞാനം സമ്പാദിക്കാനുള്ള നിരവധി മാധ്യമങ്ങളിൽ ഒരു മാധ്യമം മാത്രമാണ് ഔപചാരിക വിദ്യാഭ്യസം. ജീവിതാനുഭവങ്ങളിലൂടെയും പാ േഠ്യതര പ്രവർത്തങ്ങളിലൂടെയും മറ്റും കിട്ടുന്ന അറിവും വിജ്ഞാനവും വിവേകവും ഒരു പക്ഷേ സിലബസിനേക്കാളും വലുതായിരിക്കും.സർഗ്ഗാത്മക ചൈതന്യമുള്ള പുത്തൻ തലമുറയെ വാർത്തെടുക്കുക എന്നുള്ളതാണ് കലോത്സവത്തിന്റെ ഭൗതികമായ മുഖ്യ ലക്ഷ്യമെന്നും എം പി പറഞ്ഞു.. നമ്മുടെ കലാപരമായ കഴിവുകൾ വികസിപ്പിച്ചെടുക്കുന്നതിലൂടെ മാത്രമേ സമഗ്ര വ്യക്തിത്വ വികസനം സാധ്യമാകുകയുള്ളു. ഈ വ്യക്തിത്വ വികാസമാണ് വിദ്യാഭ്യാസത്തിന്റെ സമൂർത്തമായ ലക്ഷ്യം. വിദ്യാഭ്യാസത്തിലൂടെയാണ് സമൂഹവും രാഷ്ട്രവും സൃഷ്ടിക്കപ്പെടുന്നത്. അറിവിലൂടെ അനഭഷണീയമായ പ്രവണതകളെ പ്രതിരോധിച്ചു കൊണ്ട് മതനിരപേക്ഷതയും ജനാധിപത്യ ബോധവും സാമുദായികമായ സൗഹൃദവും സാഹോദര്യവും ഊട്ടി ഉറപ്പിച്ചു കൊണ്ട് മുന്നോട്ട് പോകാൻ പാഠ്യ വിഷയങ്ങൾക്കൊപ്പം പാ േഠ്യതേര വിഷയങ്ങൾക്കും പ്രാധാന്യം കൊടുക്കണമെന്നും പ്രേമചന്ദ്രൻ എം പി പറഞ്ഞു. ജാതിമത വർഗ്ഗ ചിന്തകളുടെ കെട്ടു മതിൽ പൊളിക്കാൻ കഴിയുന്ന ഒരുമാധ്യമമായി കലാമേഖല പുതിയ തലമുറയെ സ്വാധീനിക്കട്ടെ എന്നും അദ്ദേഹം കൂട്ടിച്ചേർത്തു .യോഗത്തിൽ സ്കൂൾ പി.ടി.എ പ്രസിഡന്റ് വി.ഗോപകുമാർ അദ്ധ്യക്ഷത വഹിച്ചു . കേരളാ ചലച്ചിത്ര വികസന കേർപ്പറേഷൻ ഡയറക്ടർ അഡ്വ. കെ അനിൽകുമാർ മുഖ്യ പ്രഭാഷണം നടത്തി .കഴിഞ്ഞ എസ് എസ് എൽ സി ,പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികളെ സ്കൂൾ മാനേജർ കെ. സുരേഷ് കുമാർ ആദരിച്ചു.
നെടുവത്തൂർ ഗ്രാമപഞ്ചായത്ത് പ്രസിഡൻറ് കെ .പി ശ്രീകല, വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൻ ഭാവന എം . ബി, സ്കൂൾ പ്രിൻസിപ്പൽ ജിജി വിദ്യാധരൻ, ഹെഡ്മിസ്ട്രസ് സിന്ധു .എസ്. നായർ , പി ടി എ വൈസ് പ്രസിഡന്റ് ജി. ഹരികൃഷ്ണൻ എന്നിവർ പ്രസംഗിച്ചു . തുടർന്ന് കുട്ടികളുടെ കലാമത്സരങ്ങൾക്ക് തുടക്കമായി.
