കൊട്ടാരക്കര : നിരോധിത പുകയില ഉത്പന്നങ്ങള് സ്കൂൾ വിദ്യാർഥികൾ ഉൾപ്പെടെയുള്ളവർക്ക് വില്പന നടത്തി വന്ന വ്യാപാരി മേലില കിഴക്കേത്തെരുവ് ഷാജിമുക്ക് ടി കെ നിവാസിൽ കുഞ്ഞുമോൻ (50) കൊട്ടാരക്കര പോലീസിന്റെ പിടിയിലായി. പ്രതി കഴിഞ്ഞ കുറെ നാളുകളായി നിരോധിത പുകയില ഉത്പന്നങ്ങളുടെ കച്ചവടം നടത്തി വരുന്നതായി ജില്ലാ പോലീസ് മേധാവി ഹരിശങ്കർ ഐ പി എസ് ന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പോലീസ് നിരീക്ഷിച്ചു വരികയായിരുന്നു. ഇതിനെ തുടർന്ന് കൊട്ടാരക്കര പോലീസും DANSAF അംഗങ്ങളും ചേർന്നു നടത്തിയ സംയുക്ത പരിശോധനയിലാണ് പ്രതി പിടിയിലായത്. പ്രതിയുടെ പക്കൽ നിന്നും നിരോധിത പുകയില ഉത്പന്നങ്ങളും കണ്ടെടുത്തു.
കൊട്ടാരക്കര എസ് ഐ മാരായ രാജീവ്, സാബുജി മാസ് സിപിഒ ഷിബു വനിതാ സിപിഒ ജ്യോതി എന്നിവരും DANSAF അംഗങ്ങളായ എഎസ് ഐ മാരായ അജയകുമാർ, ആശിഷ് കോഹൂർ എസ് സിപിഒ രാധാകൃഷ്ണൻ സിപിഒ സലിൽ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.