കൊട്ടാരക്കര.. സ്ത്രീകളെ മുഖ്യധാരയിൽ എത്തിക്കാൻ ഏറ്റവുമധികം പദ്ധതികൾ നടപ്പിലാക്കിയത് നരേന്ദ്രമോദി സർക്കാർ ആണെന്ന് ബിജെപി ഈസ്റ്റ് ജില്ലാ പ്രസിഡണ്ട് രാജി പ്രസാദ് പറഞ്ഞു. കൊട്ടാരക്കര നാഥൻ പ്ലാസയിൽ നടന്ന മഹിളാമോർച്ച ജില്ലാ നേതൃത്വ ശാല ഉദ്ഘാടനം ചെയ്യുകയായിരുന്നു അവർ. സുകന്യ സമൃദ്ധി യോജന, മാതൃവന്ദന യോജന, പ്രധാനമന്ത്രി ഉജ്വൽ യോജന എന്നിവ ഉദാഹരണമാണ്.
ഓപ്പറേഷൻ സിന്ദൂറിൽ പോലും വനിതകൾക്ക് നൽകിയ പ്രാധാന്യം നമ്മൾ കണ്ടതാണ്. സ്ത്രീകളെ മുഖ്യധാരയിൽ എത്തിക്കുകയാണോ സർക്കാരിന്റെ പ്രധാന ലക്ഷ്യം. പഞ്ചായത്ത് തിരഞ്ഞെടുപ്പിൽ വനിതകൾക്ക് ഏറ്റവുംകൂടുതൽ പ്രാധാന്യം നൽകുന്ന പാർട്ടിയും ബിജെപി ആയിരിക്കണമെന്ന് അവർ പറഞ്ഞു..മഹിളാമോർച്ച ജില്ല പ്രസിഡന്റ് രേഖഅജേന്ദ്രൻ അദ്യക്ഷത വഹിച്ചു. ബിജെപി സംസ്ഥാന സമിതി അംഗം ബി.രാധാമണി,സംസ്ഥാന ജനറൽ സെക്രട്ടറി ബീന ആർ സി,സംസ്ഥാന വൈസ് പ്രസിഡന്റ് അഡ്വക്കേറ്റ് രൂപ ബാബു, സംസ്ഥാന സെക്രട്ടറി ബിന്ദു സാജൻ, ജില്ല ജനറൽ സെക്രട്ടറിമാരായ പ്രിയങ്ക, വിദ്യാ വിജയകുമാർ എന്നിവർ സംസാരിച്ചു.
