കുണ്ടറ- കേരളത്തിൽ ആരോഗ്യ രംഗത്ത് സർക്കാർ തികഞ്ഞ പരാജയമാണെന്ന് കേരള കോൺഗ്രസ് സംസ്ഥാന സെക്രട്ടറി കുളത്തൂർ രവി.പ്രാഥമിക ആരോഗ്യ കേന്ദ്രങ്ങൾ മുതൽ മെഡിക്കൽ കോളേജുകൾ വരെയുള്ള എല്ലാ തലങ്ങളിലും ആരോഗ്യ രംഗത്ത് കെടു കാര്യസ്ഥത നടമാടുകയാണ്. സാധാരണക്കാർക്ക് പ്രാപ്യമല്ലാത്ത വിധം ആരോഗ്യ മേഖലയെ കൊണ്ടെത്തിക്കുന്നതിൽ കഴിഞ്ഞ നാലര വർഷത്തെ ഭരണം കൊണ്ട് കഴിഞ്ഞു എന്നുള്ളതാണ് യാഥാർത്ഥ്യം എന്നും അദ്ദേഹം കൂട്ടിച്ചേർത്തു, കുണ്ടറയിൽ കേരള കോൺഗ്രസിൻറെ ആഭിമുഖ്യത്തിൽ നടന്ന ആരോഗ്യരംഗത്തെ തകർച്ചയ്ക്കെതിരെയുള്ള സായാഹ്ന ധർണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരള കോൺഗ്രസ് ജില്ലാ വൈസ് പ്രസിഡൻറ് . വെങ്കിട്ട രമണൻ പോറ്റിയുടെ അധ്യക്ഷതയിൽ ചിറ്റുമല ബ്ലോക്ക് പഞ്ചായത്ത് അംഗം അഡ്വക്കേറ്റ് അരുൺ അലക്സ്, കേരള കോൺഗ്രസ് സംസ്ഥാന ജനറൽ സെക്രട്ടറി വി വിശ്വജിത്, ജെ സിൽവസ്റ്റർ, അനിൽ പനിക്കവിള, വി പി സാബു, ലിജു വിജയൻ,രാജേഷ് മുകുന്ദാശ്രമം, ജിഷ്ണു ഗോകുലം, ശിവൻകുട്ടി പിള്ള, സാൻഡോ കാഞ്ഞിരകോട്, അനസ് കരിക്കോട്, ഗൗതം കൃഷ്ണൻ, മുഹമ്മദ് നബീൽ , ആദർശ് തുടങ്ങിയവർ പങ്കെടുത്തു സംസാരിച്ചു.
