ആലപ്പുഴ ജില്ലയിലെ വെണ്മണിയിലുണ്ടായ അപകടത്തില് മൂന്നു യുവാക്കള് മരിച്ചു. മൂന്നുപേര് സഞ്ചരിച്ച സ്കൂട്ടര് നിയന്ത്രണം വിട്ടാണ് അപകടമുണ്ടായത്. മാവേലിക്കര സ്വദേശി ഗോപന്, ചെറിയനാട് സ്വദേശികളായ അനീഷ്, ബാലു എന്നിവരാണ് മരിച്ചത്. മൂന്നുപേര്ക്കും 22 വയസാണ് പ്രായം. ഇന്നലെ രാത്രിയായിരുന്നു അപകടം. മൂന്നു പേരും ഒരു സ്കൂട്ടറിലാണ് സഞ്ചരിച്ചിരുന്നത്. ആഞ്ഞിലിച്ചുവട് ജംക്ഷനിലെ വളവില് നിയന്ത്രണം വിട്ട് പോസ്റ്റിലിടിച്ച് ഓടയിലേക്ക് മറിയുകയായിരുന്നു. തലയ്ക്കാണ് പരുക്കേറ്റത്.
ഗോപന് സംഭവ സ്ഥലത്തും മറ്റ് രണ്ടുപേരും ആലപ്പുഴ മെഡിക്കല് കോളജാശുപത്രിയില് ചികില്സയിലിരിക്കെയുമാണ് മരിച്ചത്. മാവേലിക്കര എംഎല്എ എം.എസ്.അരുണ്കുമാറിന്റെ അടുത്ത ബന്ധുവാണ് മരിച്ച ഗോപന്. വെണ്മണി പൊലീസ് അപകടത്തെക്കുറിച്ച് അന്വേഷിക്കുന്നുണ്ട്.