ജറൂസലം: കൊറോണ വൈറസിന്റെ ഡെല്റ്റ വകഭേദം പടര്ന്നുപിടിക്കുന്നതിനെ തുടര്ന്ന് പൊതുസ്ഥലങ്ങളില് മാസ്ക് ധരിക്കുന്നത് വീണ്ടും നിര്ബന്ധമാക്കി ഇസ്രയേല്.രാജ്യത്ത് കോവിഡ് കേസുകള് കുറഞ്ഞതോടെ പൊതു ഇടങ്ങളില് മാസ്ക് ധരിക്കണമെന്ന് ഉത്തരവ് പത്തുദിവസം മുമ്ബ് ഇസ്രായേല് പിന്വലിച്ചിരുന്നു. എന്നാല് ഒരാഴ്ചക്കുശേഷം രാജ്യത്ത് നൂറിലധികം പേര്ക്ക് പ്രതിദിനം കോവിഡ് സ്ഥിരീകരിച്ചതോടെയാണ് പുതിയ തീരുമാനം.ലോകത്ത് ആദ്യമായി 65 ശതമാനം പേര്ക്കും വാക്സിനേഷന് പൂര്ത്തിയാക്കിയ രാജ്യമാണ് ഇസ്രായേല്. ‘നാലുദിവസമായി രാജ്യത്ത് നുറിലധികം പേര്ക്ക് കോവിഡ് സ്ഥിരീകരിച്ചു. വ്യാഴാഴ്ച മാത്രം 227 കേസുകളും. അതിനാലാണ് മാസ്ക് വീണ്ടും നിര്ബന്ധമാക്കുന്നത്’ -ഇസ്രായേലി പാന്ഡമിക് റെസ്പോണ്സ് ടാസ്ക്ഫോഴ്സ് തലവന് നച്മാന് ആഷ് പറഞ്ഞു.
കുറഞ്ഞ ദിവസത്തിനുള്ളില് കേസുകള് ഇരട്ടിയിലധികമായി. അണുബാധ വീണ്ടും പടരുന്നുവെന്നത് ആശങ്കപ്പെടുത്തുന്നു. രണ്ടു നഗരങ്ങളില് രോഗബാധ വ്യാപിച്ചുുവെങ്കില് മറ്റു നഗരങ്ങളില് ഇവ അതിവേഗം വ്യാപിക്കുന്നതായാണ് റിപ്പോര്ട്ടുകള്. ആദ്യം ഇന്ത്യയില് കണ്ടെത്തിയ ഉയര്ന്ന വ്യാപന ശേഷിയുള്ള ഡെല്റ്റ വകഭേദമാണ് പടരുന്നത് -ആഷ് കൂട്ടിച്ചേര്ത്തു.
ഇസ്രായേലില് കോവിഡ് വ്യാപനം കുറഞ്ഞതോടെ മാസ്ക് ധരിക്കല് ഉള്പ്പെടെ മിക്ക നിയന്ത്രണങ്ങളും എടുത്തുമാറ്റിയിരുന്നു. യാത്രാവിലക്ക് മാത്രമാണ് നിലവിലുണ്ടായിരുന്നത്.