കൊട്ടാരക്കരയിലെ യു.ഡി.എഫ് സ്ഥാനാര്‍ത്ഥിയും വനിതയുമായ ആര്.രശ്മിക്ക് നേരെ സി.പി.എം സൈബര്‍ഗുണ്ടകള്‍ സോഷ്യല്‍ മീഡിയകളിലൂടെ സൈബര്‍ ആക്രമണത്തിനെതിരെ യു.ഡി.എഫ് സ്റ്റേറ്റ് ഇലക്ഷന്‍ കമ്മീഷണര്‍ക്കും ജില്ലാ റൂറല്‍ പോലീസ് മേധാവിക്കും പരാതി നല്‍കി. വനിതയെന്ന പരിഗണനപോലുമില്ലാതെ യു.ഡി.എഫ് സ്ഥാനാര്‍ത്ഥിയെ അശ്ലീല പദങ്ങളുപയോഗിച്ച് അപമാനിക്കുകയും സ്ത്രീത്വത്തെ അപമാനിക്കുകയും ചെയ്ത ഇടതുമുന്നണിയുടെ വിലകുറഞ്ഞ സംസ്ക്കാരത്തിനെതിരെ സാമൂഹ്യ മാധ്യമങ്ങളില്‍ തന്നെ പ്രതിഷേധം ശക്തമാവുകയാണ്. സോഷ്യല്‍ മീഡിയായിലെ പരാമര്‍ശങ്ങളുടെ സ്ക്രീന്‍ഷോട്ട് സഹിതമാണ് പരാതി നല്‍കിയിട്ടുള്ളത്. വനിതകള്‍ക്ക് നേരെയുള്ള കടന്നാക്രമണത്തിനെതിരെ ശക്തമായ നടപടി വേണമെന്നാണ് പൊതുവായ ജനങ്ങളുടെ വികാരം.
സ്ത്രീയുടെ ഭരണഘടനാപരമായ അവകാശങ്ങളെപ്പോലും വെല്ലുവിളിച്ച് സ്ത്രീശരീരത്തെ മോശമായും ലൈംഗികച്ചുവയോടെയുമുള്ള പദങ്ങള്‍ ഉപയോഗിച്ച് അപമാനിക്കാനും സ്ത്രീത്വത്തെ അപമാനിക്കുകയും ചെയ്ത സി.പി.എം സൈബര്‍ ഗുണ്ടകള്‍ക്കെതിരെ ശക്തമായ നടപടി സ്വീകരിക്കണമെന്നാവശ്യപ്പെട്ട് യു.ഡി.എഫ് ചെയര്‍മാന്‍ ബേബി പടിഞ്ഞാറ്റിന്‍കര ഇലക്ഷന്‍ കമ്മീഷണര്‍ക്കും റൂറല്‍ ജില്ലാ പോലീസ് മേധാവിക്കും പരാതി നല്‍കിയതായും അറിയിച്ചു. ബേബി പടിഞ്ഞാറ്റിന്‍കര