പാലക്കാട് : ഹരിതം റസിഡൻ്റ്സ് അസോസിയേഷൻ നേതൃത്വത്തിൽ ജനപ്രതിനിധികൾക്ക് സ്വീകരണം നൽകി. സ്വീകരണം തൃത്താല ബ്ലോക്ക് പഞ്ചായത്ത് പ്രസിഡൻ്റ് അഡ്വ. വി.പി റജീന ഉദ്ഘാടനം ചെയ്തു. തദ്ദേശ സ്വയംഭരണ സ്ഥാപനങ്ങളും റെസിഡൻ്റ്സ് അസോസിയേഷനുകളും ഒരുമിച്ച് വലിയ വികസന മുന്നേറ്റം സൃ ഷടിക്കാൻ ആകുമെന്ന് ഉദ്ഘാടക പറഞ്ഞു. തൃത്താല പഞ്ചായത്ത് പ്രസിഡൻ്റ് ശ്രീമതി ജയ, തൃത്താല ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ കൃഷ്ണ കുമാർ മാഷ്, ജില്ലാ പഞ്ചായത്തംഗം അനുവിനോദ് , കുബ്റ ഷാജഹാൻ, സീനത്ത് എന്നിവർക്കാണ് സ്വീകരണം നൽകിയത്.റെസിഡൻ്റ്സ് അസോസിയേഷൻ പ്രസിഡൻ്റ് പ്രസാദ് ബാബു അധ്യക്ഷത വഹിച്ച പരിപാടിയിൽ ദിനചന്ദ്രൻ പ്രമേയം അവതരിപ്പിച്ചു. സെക്രട്ടറി Ep റിയാസ് സ്വാഗതവും ജ്യോതിഷ് നന്ദിയും പറഞ്ഞു.