തിരുവനന്തപുരം : കൊറോണ വാക്സിന് വിതരണത്തിനായുള്ള ഒരുക്കങ്ങള് പൂര്ത്തിയായെന്ന് ആരോഗ്യമന്ത്രി കെ കൈ ശൈലജ.
വാക്സിന് വിതരണം വിജയകരമായി പൂര്ത്തിയാക്കാമെന്നാണ് പ്രതീക്ഷ. വാക്സിന് എടുക്കുന്നതില് ആശങ്കപ്പെടേണ്ട. എന്തെങ്കിലും ചെറിയ പ്രശ്നങ്ങളുണ്ടെങ്കില് പേടിക്കേണ്ടതില്ല. വാക്സിന് വരുന്നതോടെ കൂടുതല് പേരെ സുരക്ഷിതരാക്കാന് കഴിയുമെന്നാണ് പ്രതീക്ഷിക്കുന്നത്. ആദ്യ ഡോസ് എടുത്ത ശേഷം സുരക്ഷിതരായി എന്നു കരുതരുത്. രണ്ടാം ഡോസ് എടുക്കുന്നത് വരെ കരുതലോടെ ഇരിക്കണമെന്നും മന്ത്രി വ്യക്തമാക്കി.
ജനുവരി 16 നാണ് രാജ്യത്ത് വാക്സിന് വിതരണം ആരംഭിക്കുന്നത്. ഇതിനായി സംസ്ഥാനത്തെ മൂന്ന് കേന്ദ്രങ്ങളില് എത്തിച്ചിരിക്കുന്ന വാക്സിന് ജില്ലാ കേന്ദ്രങ്ങളിലേക്ക് ഇന്ന് മുതല് വിതരണം ചെയ്യും. സംസ്ഥാനത്തെ 133 കേന്ദ്രങ്ങളിലായിരിക്കും കുത്തിവെയപ്പ് നല്കുക,. വാക്സിന് കൂടുതല് ലഭ്യമാകുന്നതിന് അനുസരിച്ച് ഓരോ ജില്ലയിലും നൂറിലധികം വാക്സിന് കേന്ദ്രങ്ങള് സജ്ജമാകും. രണ്ടും ഡോസ് വാക്സിനുകളാണ് സ്വീകരിക്കേണ്ടത്. ആദ്യ ഡോസ് വാക്സിന് സ്വീകരിച്ച് 28 ദിവസങ്ങള്ക്ക് ശേഷമാണ് രണ്ടാം ഡോസ് സ്വീകരിക്കേണ്ടത്.