തിരുവനന്തപുരം: 2020ലെ രാജ്യാന്തര ചലച്ചിത്ര മേള ഇത്തവണ 2021 ഫെബ്രുവരി 10 മുതല് നടക്കും.
തിരുവനന്തപുരം, എറണാകുളം, പാലക്കാട്, തലശ്ശേരി എന്നിങ്ങനെ നാല് മേഖലകളിലായിട്ടാണ് ഇത്തവണ ചലച്ചിത്ര മേള നടക്കുകയെന്ന് സാംസ്കാരിക വകുപ്പ് മന്ത്രി എ.കെ ബാലന് അറിയിച്ചു.
ചലച്ചിത്ര മേളയില് പങ്കെടുക്കുന്ന എല്ലാവർക്കും ഇത്തവണ കോവിഡ് നെഗറ്റീവ് സര്ട്ടിഫിക്കറ്റ് നിർബന്ധമാണ്.
മേളയില് ഇത്തവണ വിദേശ പ്രതിനിധികള് ഓണ്ലൈന് വഴിയാണ് പങ്കെടുക്കുക. ഫെബ്രുവരി 10-ന് തിരുവനന്തപുരത്താകും മേള തുടങ്ങുക.
എറണാകുളത്ത് ഫെബ്രുവരി 17 മുതല് 21 വരെ മേള നടക്കും. തലശ്ശേരിയില് മേള ഫെബ്രുവരി 23 മുതല് 27 വരെയാകും.
പാലക്കാട്ട് മാര്ച്ച് 1 മുതല് അഞ്ച് വരെയും മേള നടക്കും. മേഖലകളിലും 1500 വീതം ഡെലിഗേറ്റുകളെ മാത്രമേ അനുവദിക്കൂ.
ഡെലിഗേറ്റ് ഫീ കുറച്ച് 750 രൂപയാക്കിയിട്ടുണ്ട്. അതത് മേഖലകളില്ത്തന്നെ ആളുകള് പ്രവേശനം നേടണം.