തിരുവനന്തപുരം : മൂന്നു ദിവസം നീണ്ടു നിൽക്കുന്ന സംസ്ഥാന നേതൃയോഗങ്ങൾക്ക് ഇന്ന് മുതൽ തുടക്കം. ഇന്ന് സംസ്ഥാന സെക്രട്ടറിയേറ്റും നാളെയും മറ്റന്നാളും സംസ്ഥാന കമ്മറ്റിയുമാണ് യോഗം ചേരുക. നിയമസഭാ തിരഞ്ഞെടുപ്പിലെ വിജയമാണ് പ്രധാന ചർച്ച വിഷയം. തദ്ദേശ തിരഞ്ഞെടുപ്പിലെ മികച്ച വിജയവും യോഗം ചർച്ച ചെയ്യും.
കർഷക നിയമത്തിൽ പ്രമേയം പാസ്സാക്കാൻ സഭ വിളിച്ചു ചേർക്കണമെന്ന സർക്കാർ ആവശ്യം ആദ്യ ഘട്ടത്തിൽ നിരാകരിച്ച ഗവർണ്ണർക്കെതിരെയും യോഗത്തിൽ വിമർശനമുണ്ടായേക്കും. തിരുവനന്തപുരം കോർപറേഷനിലെ ചില ഡിവിഷനുകളിൽ ഉൾപ്പെടെ ചില സ്ഥലങ്ങളിലെ അപ്രതീക്ഷിത തോൽവിയും യോഗം ചർച്ച ചെയ്യും.