Asian Metro News

ശബരിമല ക്ഷേത്രം സ്ഥിതി ചെയ്യുന്ന വാർഡിൽ ബിജെപി സ്ഥാനാർഥിക്ക് വിജയം

 Breaking News

ശബരിമല ക്ഷേത്രം സ്ഥിതി ചെയ്യുന്ന വാർഡിൽ ബിജെപി സ്ഥാനാർഥിക്ക് വിജയം

ശബരിമല ക്ഷേത്രം സ്ഥിതി ചെയ്യുന്ന വാർഡിൽ ബിജെപി സ്ഥാനാർഥിക്ക് വിജയം
December 18
06:16 2020

പത്തനംതിട്ട :ചരിത്രത്തില്‍ ആദ്യമായി ശബരിമല ക്ഷേത്രം സ്ഥിതി ചെയ്യുന്ന വാര്‍ഡില്‍ ബിജെപി സ്ഥാനാര്‍ഥിക്ക് വിജയം. റാന്നി പെരുനാട് പഞ്ചായത്തിലെ 9ാം വാര്‍ഡിലാണ് ബിജെപി സ്ഥാനാര്‍ഥിയായ മഞ്ജു പ്രമോദ് വിജയിച്ചത്. 91 വോട്ടിനാണ് മഞ്ജു വിജയിച്ചത്. മഞ്ജു പ്രമോദ് 406 വോട്ട് നേടിയപ്പോള്‍ രണ്ടാം സ്ഥാനത്തെത്തിയ എല്‍ഡിഎഫ് സ്ഥാനാര്‍ത്ഥി പി കെ കുഞ്ഞുമോള്‍ക്ക് 315 വോട്ടുകളാണ് ലഭിച്ചത്. എന്നാല്‍ കോണ്‍ഗ്രസ് സ്ഥാനാര്‍ത്ഥിയായ മായയ്ക്ക് 179 വോട്ടുകളാണ് ലഭിച്ചത്.

അതേസമയം യുഡിഎഫ് അധികാരത്തിലിരുന്ന റാന്നി പെരുനാട് പഞ്ചായത്തിലെ 15 വാര്‍ഡുകളില്‍ 9 സീറ്റുകള്‍ നേടി ഇത്തവണ എല്‍ഡിഎഫ് ഭരണം തിരിച്ചു പിടിച്ചു. യുഡിഎഫ് ഒരു സീറ്റിലായി ഒതുങ്ങുകയും ചെയ്തു. ശബരിമല ഉള്‍പ്പെടെ അഞ്ച് വാര്‍ഡുകളില്‍ ജയിച്ച എന്‍ഡിഎയാണ് പ്രധാന പ്രതിപക്ഷം. ശബരിമല കൂടാതെ പെരുനാട്, നരണംതോട്, കക്കാട്, മാടമണ്‍ എന്നീ വാര്‍ഡുകളാണ് എന്‍ഡിഎ സ്വന്തമാക്കിയത്. കണ്ണന്നുമണ്‍, നെടുമണ്‍ എന്നീ വാര്‍ഡുകളില്‍ ബിഡിജെഎസ് സ്ഥാനാര്‍ഥികള്‍ രണ്ടാം സ്ഥാനത്തെത്തി.

ശബരിമല ഉള്‍പ്പെടുന്ന പെരുനാട് പഞ്ചായത്തില്‍ ഇത് ആദ്യമായാണ് എന്‍ഡിഎ 5 സീറ്റുകളില്‍ വിജയം നേടുന്നത്. അതേസമയം ഇടതുപക്ഷം അധികാരത്തിലിരുന്ന പഞ്ചായത്തിന്റെ ചരിത്രത്തില്‍ ആദ്യമായി കഴിഞ്ഞ തെരഞ്ഞെടുപ്പിലാണ് യുഡിഎഫ് ഭരണം പിടിച്ചത്. എന്നാല്‍ കഴിഞ്ഞ തവണ യുഡിഎഫിന് അനുകൂലമായി കാറ്റ് വീശിയപ്പോഴും സിപിഎമ്മിന് ലഭിച്ച വാര്‍ഡുകളായിരുന്ന കക്കാടും മാടമണ്ണും ഇത്തവണ എല്‍ഡിഎഫിനെ കൈവിടുകയായിരുന്നു.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment