പിഐഒ, ഒസിഐ കാര്‍ഡുളളവര്‍ക്ക് ഇന്ത്യയിലേക്ക് വരാം
ഡല്‍ഹി : കോവിഡ് പശ്ചാത്തലത്തില്‍ ഏര്‍പ്പെടുത്തിയിരിക്കുന്ന വിസ നിയന്ത്രണങ്ങളില്‍ കൂടുതല്‍ ഇളവുകളുമായി കേന്ദ്ര സര്‍ക്കാര്‍ . വിദേശ പൗരന്മാര്‍ക്ക് ടൂറിസ്റ്റ് വിസ ഒഴികെയുളളതിന് അനുമതി നല്‍കും.
പിഐഒ. ഒസിഐ കാര്‍ഡുളളവര്‍ക്ക് ഇന്ത്യയിലേക്ക് വരാം. ഇളവുകളുടെ ഭാഗമായി ഇന്ത്യയിലെത്തുന്നവര്‍ ആരോഗ്യവകുപ്പിന്റെ നിര്‍ദ്ദേശങ്ങള്‍ കര്‍ശനമായി പാലിക്കണമെന്നും കേന്ദ്രസര്‍ക്കാര്‍ നിര്‍ദ്ദേശിച്ചിട്ടുണ്ട്.
ഇലക്ട്രോണിക് വിസ, ടൂറിസ്റ്റ് വിസ, മെഡിക്കല്‍ വിസ എന്നിവയൊന്നും പുനഃസ്ഥാപിച്ചിട്ടില്ല. ഇത്തരം വിസകളുടെ കാലാവധി പൂര്‍ത്തിയായ ആരെങ്കിലും ഇന്ത്യയിലുണ്ടെങ്കില്‍ അത് നീട്ടി ലഭിക്കുവാനായി ബന്ധപ്പെട്ട ഏജന്‍സിയെ സമീപിക്കാമെന്നും കേന്ദ്രസര്‍ക്കാര്‍ വ്യക്തമാക്കി.