പാലക്കാട് : ഇരുപത്തി ഏഴാമത് എസ്എസ്എഫ് പാലക്കാട് ജില്ലാ സാഹിത്യോത്സവിന് തുടക്കമായി. ഓൺലൈൻ വഴി നടന്ന ചടങ്ങിൽ സാഹിത്യകാരൻ പി കെ പാറക്കടവ് ജില്ലാ സാഹിത്യോത്സവ് ഉദ്ഘാടനം ചെയ്തു.
പൗരത്വം പോലും ചോദ്യം ചെയ്യപ്പെടുന്ന കലികാലത്ത് സാഹിത്യത്തിനും കലക്കും അതിജീവനത്തിന് പുതു കഥകൾ രചിക്കാൻ കഴിയും. കല ഉള്ളവനാണ് സമൂഹത്തിലെ സ്ഥാനം ഉള്ളത്. തന്റെ ഉള്ളിലുള്ള നൈസർഗ്ഗികമായ സർഗ്ഗ ഭാവനകളെ സമൂഹത്തിനും നാടിനും ഉപകരിക്കുന്ന രൂപത്തിൽ രാഷ്ട്ര പുരോഗതിക്കായി ഉപയോഗിക്കുന്നതിലൂടെയാണ് കലാകാരന്റെ പ്രസക്തി വർദ്ധിക്കുന്നത്. ആസുര കാലത്ത് സ്ഥിതിഗതികൾ വിലയിരുത്തി പരിമിതികളുണ്ടെങ്കിലും അവളെ മറികടന്ന് സാധ്യതകൾ ഉപയോഗപ്പെടുത്തി എസ്എസ്എഫ് വിദ്യാർഥികൾക്ക് തങ്ങളുടെ കലകളെ പരിശീലിക്കാനും പരിപോഷിപ്പിക്കാനും വേദിയൊരുക്കുന്നത് പ്രശംസനീയമാണെന്നും അദ്ദേഹം പറഞ്ഞു. സമസ്ത കേന്ദ്ര മുശാവറ അംഗം കെ പി മുഹമ്മദ് മുസ്ലിയാർ കൊമ്പം അനുഗ്രഹ പ്രഭാഷണം നടത്തി. എസ് എസ് എഫ് സംസ്ഥാന പ്രസിഡണ്ട് സി കെ റാഷിദ് ബുഖാരി സാഹിത്യോത്സവ് സന്ദേശ പ്രഭാഷണം നടത്തി. കേരള മുസ്ലിം ജമാഅത്ത് പാലക്കാട് ജില്ല ജനറൽ സെക്രട്ടറി ഇ വി അബ്ദുറഹ്മാൻ ഹാജി, പി പി മുഹമ്മദ് കുട്ടി മാസ്റ്റർ, എസ് വൈ എസ് പാലക്കാട് ജില്ലാ പ്രസിഡണ്ട് സുലൈമാൻ മുസ്ലിയാർ ചുണ്ടമ്പറ്റ, ടി പി എം കുട്ടി മുസ്ലിയാർ,എസ് വൈ എസ് പാലക്കാട് ജില്ലാ ജനറൽ സെക്രട്ടറി ഉമ്മർ മാസ്റ്റർ ഓങ്ങല്ലൂർ, എസ് എസ് എഫ് സംസ്ഥാന സെക്രട്ടറി സഫുവാൻ മാസ്റ്റർ , എസ്എസ്എഫ് സംസ്ഥാന എക്സിക്യൂട്ടീവ് അംഗം ജാബിർ സഖാഫി മപ്പാട്ടുകര, ഉസ്മാൻ സഖാഫി പട്ടാമ്പി, നൗഫൽ മാസ്റ്റർ പാവുക്കോണം തുടങ്ങിയവർ സംബന്ധിച്ചു. ഞായറാഴ്ച നടക്കുന്ന സമാപന സംഗമം സംസ്ഥാന ജലവിഭവ വകുപ്പ് മന്ത്രി കെ കൃഷ്ണൻകുട്ടി ഉദ്ഘാടനം ചെയ്യും. സമസ്ത കേന്ദ്ര മുശാവറ അംഗം മാരായമംഗലം അബ്ദുർറഹ്മാൻ ഫൈസി അനുമോദന പ്രഭാഷണം നടത്തും. ജില്ലയിലെ 12 ഡിവിഷനുകളിൽ നിന്നുള്ള ആയിരത്തോളം പ്രതിഭകൾ ഓൺലൈനിൽ സജ്ജമാക്കിയ 7 വേദികളിലായി 9 വിഭാഗങ്ങളിൽവിവിധ മത്സരങ്ങളിൽ മാറ്റുരയ്ക്കും.