കൊട്ടാരക്കര : തേവലപ്പുറത്ത് ക്വാറന്റൈനിൽ കഴിഞ്ഞ പ്രവാസി യുവാവ് മരിച്ചു, നാലു ദിവസം മുൻപ് വിദേശത്തുനിന്നും എത്തിയ പുത്തൂർ തേവലപ്പുറം സ്വദേശി മനോജ് (23 ) ആണ് ഇന്ന് പുലർച്ചെ നിരീക്ഷണത്തിലിരുന്ന വീട്ടിൽ അവശനിലയിൽ കണ്ടെത്തിയതും പിന്നീട് മരണമടഞ്ഞതും. അയൽവാസിയായ യുവാവും അന്നുതന്നെ ദുബൈയിൽ നിന്നും എത്തിയിരുന്നു. ഇരുവരും ഒരു വീട്ടിൽ ക്വാറന്റെയ്ൻ സംവിധാനമൊരുക്കി കഴിഞ്ഞുവരവെയാണ് ഇന്ന് പുലർച്ചെ മനോജ് മരിച്ചത്. രണ്ട് ദിവസമായി പനിയും ഛർദ്ദിയും മറ്റ് അസ്വസ്ഥതകളും മനോജിനുണ്ടായിരുന്നു. പാരിപ്പള്ളി മെഡിക്കൽ കോളേജിലേക്ക് കൊണ്ടുപോകാമെന്ന് ആരോഗ്യ വകുപ്പ് അധികൃതർ അറിയിച്ചെങ്കിലും മനോജ് തയ്യാറായില്ല.ഇന്ന് രാവിലെ എട്ടുമണിയോടുകൂടി പാരിപ്പള്ളി മെഡിക്കൽ കോളജിലേക്ക് മാറ്റാൻ ഇരിക്കവേയാണ് മരണം സംഭവിക്കുന്നത്. പൊലീസും ആരോഗ്യ വകുപ്പും സ്ഥലത്ത് സുരക്ഷാ സംവിധാനങ്ങൾ ഒരുക്കി. മൃതദേഹം ആശുപത്രിയിലേക്ക് മാറ്റി.
