കുവൈറ്റിൽ നിന്നും ആദ്യ വിമാനം നാളെ
കുവൈറ്റ് : കുടുങ്ങിക്കിടക്കുന്ന പ്രവാസികള്‍ക്ക് തിരിച്ചുപോവാന്‍ കുവൈത്തില്‍നിന്ന് ആദ്യവിമാനം ശനിയാഴ്ച പുറപ്പെടും. ശനിയാഴ്ച രണ്ട് വിമാനങ്ങള്‍ ഷെഡ്യൂള്‍ ചെയ്തിട്ടുണ്ട്.
വെള്ളിയാഴ്ച പോവേണ്ടിയിരുന്ന കുവൈറ്റ് -ഹൈദരാബാദ് എയര്‍ ഇന്ത്യ വിമാനം ശനിയാഴ്ച രാവിലെ 11.45ന് കുവൈറ്റിൽനിന്ന് പുറപ്പെട്ട് വൈകീട്ട് 6.30ന് നാട്ടിലെത്തും. രണ്ടാമത്തെ വിമാനം ഉച്ചക്ക് 1.45ന് കുവൈറ്റിൽനിന്ന് കൊച്ചിയിലേക്ക് പുറപ്പെടും. 80 ദീനാറാണ് ടിക്കറ്റ് നിരക്ക്.
എംബസിയില്‍ രജിസ്റ്റര്‍ ചെയ്തവരില്‍നിന്ന് തെരഞ്ഞെടുക്കപ്പെട്ടവര്‍ക്ക് കുവൈറ്റ് സിറ്റിയിലെ എയര്‍ ഇന്ത്യ ഒാഫിസിലെത്തി ടിക്കറ്റ് സ്വന്തമാക്കാന്‍ നിര്‍ദേശം ലഭിച്ചിട്ടുണ്ട്. നാലുമണിക്കൂര്‍ മുൻപ് വിമാനത്താവളത്തിലെത്തണമെന്നാണ് നിര്‍ദേശം. കുവൈത്തില്‍നിന്ന് നിശ്ചയിച്ച മറ്റു വിമാനങ്ങളും ഷെഡ്യൂള്‍ അനുസരിച്ച്‌ പുറപ്പെടും.
ഞായറാഴ്ച ചെന്നൈയിലേക്കും ചൊവ്വാഴ്ച അഹമ്മദാബാദിലേക്കും ബുധനാഴ്ച കോഴിക്കോട്ടേക്കും ആണ് മറ്റുവിമാനങ്ങള്‍. ഓരോന്നിലും 200 യാത്രക്കാര്‍ വീതമാണ് ഉണ്ടാവുക. ഗര്‍ഭിണികള്‍, കാന്‍സര്‍ രോഗികള്‍, കുവൈത്തില്‍ ചികിത്സ ലഭ്യമല്ലെന്ന് സാക്ഷ്യപത്രം സമര്‍പ്പിക്കാന്‍ കഴിയുന്ന രോഗികള്‍ എന്നിവര്‍ക്ക് മുന്‍ഗണന നല്‍കിയാണ് യാത്രക്കാരെ തെരഞ്ഞെടുക്കുന്നത്.
There are no comments at the moment, do you want to add one?
Write a comment