തൃക്കണ്ണമംഗൽ: എസ്. പി. സി യുടെ ആഭിമുഖ്യത്തിൽ സി.വി.എൻ.എം.എൽ.പി സ്കൂളിലെ വിദ്യാർത്ഥികൾക്ക് നടത്തിയ നീന്തൽ പരിശീലനം കൊല്ലം ജില്ലാ പോലീസ് മേധാവി ബി. അശോകൻ ഐ.പി. എസ് ഉദ്ഘാടനം ചെയ്തു. ഒന്നാം ഘട്ടത്തിൽ നാലാം ക്ലാസിലെ കുട്ടികൾക്കാണ് പരിശീലനം നൽകുക. തുടർന്ന് എൽ കെ ജി വരെയുളള കുട്ടികൾക്ക് പരിശീലനം നൽകുമെന്ന് പ്രോഗ്രാം കൺവീനർ ബിനിമോൾ അറിയിച്ചു. ഏത് അടിയന്തിര സാഹചര്യത്തേയും നേരിടാൻ കുട്ടികളെ പ്രാപ്തരാക്കുക എന്നതാണ് വിദ്യാഭ്യാസ ലക്ഷ്യം. അവിചാരിതമായി കടന്നു വരുന്ന കെടുതികളെ മനോധൈര്യത്തോടെ നേരിടുവാൻ കുട്ടികൾക്ക് കഴിയണം . അതിനായി പ്രൈമറിതലം മുതൽ കുട്ടികൾക്ക് നീന്തൽ പരിശീലനം നൽകേണ്ടത് ആവശ്യമാണ്.
പി.റ്റി. എ പ്രസിഡൻ്റ് ദീപാദീപകുമാർ അദ്ധ്യക്ഷത വഹിച്ചു. എസ്. പി. സി ജില്ലാ നോഡൽ ഓഫീസർ ഡി.വൈ.എസ്.പി സർജുപ്രസാദ് മുഖ്യപ്രഭാഷണം നടത്തി. അസി. ജില്ലാ നോഡൽ ഓഫീസർ റ്റി. രാജീവ്, ഹെഡ്മിസ്ട്രസ് ബിൻസി ശാമുവേൽ, എസ്.എസ്.ജി പ്രസിഡൻ്റ് ജേക്കബ് ജോർജ്ജ്, സി.പി.ഒ എസ്. പ്രദീപ് കുമാർ, പ്രോഗ്രാം കൺവീനർ ബിനിമോൾ കെ.വി, സുജ .പി എന്നിവർ പ്രസംഗിച്ചു.