തൃക്കണ്ണമംഗൽ: അമ്പലം ജംഗ്ഷന് സമീപം നെല്ലിക്കുന്നം ഭാഗത്തു നിന്നും അമിത വേഗതയിൽ എത്തിയ ബൈക്ക് കാൽനടയാത്രക്കാരനെ ഇടിച്ച് തെറിപ്പിച്ചു. നിർത്താതെ രക്ഷപ്പെടാൻ ശ്രമിച്ച ബൈക്ക് യാത്രക്കാരനെ പ്രദേശവാസികൾ പിടികൂടി പോലീസിൽ ഏൽപ്പിച്ചു. ഇന്നലെ വൈകിട്ട് 7 .30 ന് ആണ് അപകടം നടന്നത്.
ഈ ഭാഗത്ത് അപകടങ്ങൾ പെരുകുന്നു എന്ന് തൃക്കണ്ണമംഗൽ പ്രദേശത്തു നിന്നും ഒരാഴ്ചയ്ക്ക് മുമ്പ് എസ് പിക്കും, ജോയിൻ്റ് ആർ.റ്റി. ഒ യ്ക്കും പരാതി നൽകിയിരുന്നു. ജോയിൻ്റ് ആർ.റ്റി. ഒ യ്ക്ക് നൽകിയ പരാതിയിൽ വാഹനപരിശോധന കർശനമാക്കുമെന്നും പറഞ്ഞു. എന്നാൽ ഈ ഭാഗത്തു വാഹന പരിശോധന നടത്താൻ മോട്ടോർ വാഹന വകുപ്പോ, പോലീസോ ഇതുവരെയും തയ്യാറായിട്ടില്ല.