പുത്തൂര്‍: പുത്തന്‍കാട് വീട്ടില്‍വെച്ച്‌ ചാരായം വാറ്റുന്നതിനിടയില്‍ ഒരാളെ പൊലീസ് പിടികൂടി. 20 ലിറ്റര്‍ ചാരായവും 200 ലിറ്റര്‍ വാഷും പിടികൂടി. പുത്തന്‍ക്കാട് ചീരാത്ത് വീട്ടില്‍ സുധീറാണ് (47) പിടിയിലായത്. ഇയാളുടെ വീട്ടില്‍വെച്ചാണ് ചാരായം വാറ്റിയിരുന്നത്.
ഒല്ലൂര്‍ എ.സി.പിക്ക് ലഭിച്ച രഹസ്യ സന്ദേശത്തെ തുടര്‍ന്ന് നടത്തിയ പരിശോധനയിലാണ് ഇയാള്‍ പിടിയിലായത്. സുധീര്‍ ബസ് ജീവനക്കാരനാണ്. എ.സി.പി സി.എം. ദേവദാസ്, സി.പി.ഒമാരായ ഷിേന്‍റാ, രജീത്ത് എന്നിവരടങ്ങിയ സംഘമാണ് പ്രതിയെ പിടികൂടിയത്.