തൃശ്ശൂര്‍ : അന്തിക്കാട് പോലീസ് സ്റ്റേഷനിലെ വനിത സിവില്‍ പോലീസ് ഓഫീസർക്ക് കോവിഡ് സ്ഥിതീകരിച്ചു ഇതോടെ സ്റ്റേഷനിലെ 32 പോലീസുകാർ നിരീക്ഷണത്തില്‍. സര്‍ക്കിള്‍ ഇന്‍സ്‌പെക്ടറും സബ് ഇന്‍സ്‌പെക്ടറും ഉള്‍പ്പെടെ അന്തിക്കാട് സ്റ്റേഷനിലെ അംഗബലം 40 ആയിരുന്നു.
കോവിഡ് ബാധയെത്തുടര്‍ന്ന് മരിച്ച പുത്തന്‍പീടിക സ്വദേശിനി വത്സലയുടെ ഇന്‍ക്വസ്റ്റ് നടപടികളില്‍ പങ്കെടുത്ത സി.പി.ഒ യ്ക്കാണ് കോവിഡ് സ്ഥിരീകരിച്ചത്. ആദ്യം നടന്ന പരിശോധനയില്‍ വത്സലയ്ക്ക് കോവിഡ് സ്ഥിരീകരിച്ചിരുന്നില്ല. അതിനാല്‍ കോവിഡ് പ്രോട്ടോക്കോള്‍ പ്രകാരമായിരുന്നില്ല സംസ്‌ക്കാരം ഉള്‍പ്പെടെയുള്ള തുടര്‍ നടപടികള്‍. നാല് ദിവസം കഴിഞ്ഞാണ് കോവിഡിനെത്തുടര്‍ന്നാണ് ഇവരുടെ മരണമെന്ന് ഉറപ്പിച്ചത്. അതിന് ശേഷമാണ് അവരുമായി ബന്ധപ്പെട്ട എല്ലാവരോടും നിരീക്ഷണത്തില്‍ പോകാന്‍ ആവശ്യപ്പെട്ടത്.
നിരീക്ഷണത്തിലിരിക്കെയാണ് കഴിഞ്ഞദിവസം ചേര്‍പ്പ് സ്വദേശിനിയായ വനിതാ പോലീസ് ഉദ്യോഗസ്ഥയ്ക്ക് കോവിഡ് സ്ഥിരീകരിക്കുന്നത്.
കോവിഡ് മുന്‍കരുതലിന്റെ ഭാഗമായി പോലീസ് സ്‌റ്റേഷനുകളില്‍ ജീവനക്കാരുടെ അനുപാതം 50:50 ആക്കണമെന്ന ഡി.ജി.പിയുടെ ഉത്തരവ് പാലിക്കാത്തതാണ് പോലീസ്‌റ്റേഷന്റെ പ്രവര്‍ത്തനത്തെ ബാധിച്ചതെന്ന വിമര്‍ശനവും ഉണ്ട്