മാഹി : മയ്യഴിയില്‍ ഒരാള്‍ക്ക് കോവിഡ്. ദുബായില്‍നിന്നെത്തിയ ഈസ്റ്റ് പള്ളൂര്‍ സ്വദേശിക്കാണ് കോവിഡ് സ്ഥിരീകരിച്ചത്. ഞായറാഴ്ച രാത്രി ഒൻപതിന് കണ്ണൂര്‍ വിമാനത്താവളത്തിലാണ് ഇയാള്‍ ഇറങ്ങിയത്. ഹൃദ്‌രോഗിയായതിനാല്‍ മയ്യഴിയിലെ ജനറല്‍ ആശുത്രിയില്‍ പ്രവേശിപ്പിച്ചിരുന്നു.
കോവിഡ് ലക്ഷണങ്ങളൊന്നും 51 കാരനായ ഇദ്ദേഹത്തിന് ഉണ്ടായിരുന്നില്ല. എന്നാല്‍ മറ്റ് അസുഖങ്ങള്‍ ഉണ്ടായിരുന്നതിനാലാണ് സ്രവ പരിശോധന നടത്തിയത്. ഇതിലാണ് കോവിഡ് കണ്ടെത്തിയത്.