ഓണ്‍ലൈന്‍ മദ്യ വില്‍പ്പനക്കായുള്ള ആപ്പ് തയ്യാറാക്കുന്നത് കടവന്ത്രയിലെ ഫെയര്‍ കോഡ് ടെക്നോളജീസ് എന്ന സ്റ്റാര്‍ട്ട് അപ് കമ്പനി
സംസ്ഥാനത്തെ 301 ബിവറേജസ് ഔട്ട് ലെറ്റുകളുടേയും 500 ലേറെ ബാറുകളുടേയും 225 ബിയര്‍ പാര്‍ലറുകളുടെയും വിശദാംശങ്ങള്‍ സജ്ജം; ഓരോ ഔട് ലെറ്റുകള്‍ക്കും രാവിലെ മുതല്‍ ടൈം സ്ലോട്ടുകള്‍ ഉണ്ടാകും; ഗൂഗിള്‍ ആപ്പ് സ്റ്റോറിന്റെ അനുമതി ലഭിച്ചാല്‍ പരീക്ഷണടിസ്ഥാനത്തില്‍ പ്രവര്‍ത്തനം തുടങ്ങും
കൊച്ചി :സംസഥാനത്തെ ഓണ്‍ലൈന്‍ മദ്യവില്‍പ്പനക്കുള്ള ആപ്ലിക്കേഷന്‍ തയ്യാറാക്കുന്ന ജോലികള്‍ അവസാന ഘട്ടത്തിലേക്ക് കടക്കുന്നു. ആപ്പിന് ഗൂഗിള്‍ അപ് സ്റ്റോറിന്റെ അനുമതി ലഭിച്ചാല്‍ ഉടന്‍ പരീക്ഷണ അടിസ്ഥാനത്തില്‍ ആപ്പിന്റെ പ്രവര്‍ത്തനം തുടങ്ങും. സ്മാര്‍ട്ട് ഫോണിലും, സാധാരണ മൊബൈല്‍ ഫോണിലും രണ്ട് തരം സംവിധാനമാണ് ഓണ്‍ലൈന്‍ മദ്യ വിതരണത്തിന് ഒരുക്കുന്നത്. കൊച്ചി കടവന്ത്രയിലെ ഫെയര്‍ കോഡ് ടെക്നോളജീസ് എന്ന സ്റ്റാര്‍ട്ട് അപ് കമ്ബനിയാണ് ആപ്പ് വികസിപ്പിച്ചത്. ഈ ആപ്പില്‍ സംസ്ഥാനത്തെ 301 ബിവറേജസ് ഔട്ട് ലെറ്റുകളുടേയും 500 ലേറെ ബാറുകളുടേയും 225 ബിയര്‍ പാര്‍ലറുകളുടെയും വിശദാംശങ്ങള്‍ സജ്ജമാക്കിയിട്ടുണ്ട്.
സ്മാര്‍ട്ട് ഫോണ്‍ ഉള്ളവര്‍ പ്ലേ സ്റ്റോര്‍ വഴി ആപ് ഡൗണ്‍ലോഡ് ചെയ്യണം. തുടര്‍ന്ന് ആപ്പില്‍ നിന്ന് ആദ്യം ജില്ല തെരഞ്ഞെടുക്കണം. പിന്നീട് ഏത് സ്ഥലത്ത് നിന്നാണോ മദ്യം വാങ്ങാണ്ടത് ആ സ്ഥലത്തെ പിന്‍കോഡ് നല്‍കി കടകള്‍ തെരഞ്ഞെടുക്കാം. നല്‍കുന്ന പിന്‍കോഡിന്റെ പരിധിയില്‍ ഔട് ലെറ്റുകള്‍ ഇല്ലെങ്കില്‍ മറ്റൊരു പിന്‍കോഡ് നല്‍കി വീണ്ടും ബുക്ക് ചെയ്യണം.
ഓരോ ഔട് ലെറ്റുകള്‍ക്കും രാവിലെ മുതല്‍ ടൈം സ്ലോട്ടുകള്‍ ഉണ്ടാകും. അതിനാല്‍ മദ്യം വാങ്ങാന്‍ താല്‍പ്പര്യമുള്ള സമയം ആപ്പില്‍ നിന്ന് തെരഞ്ഞെടുത്താല്‍ ആ സമയത്ത് മദ്യം ലഭ്യമാകുന്ന ഔട് ലെറ്റുകള്‍, ബാറുകള്‍ എന്നിവയുടെ വിവരങ്ങള്‍ ലഭിക്കും. ഇതില്‍ നിന്ന് ഒരു ഔട് ലെറ്റ് തെരഞ്ഞെടുത്താല്‍ ക്യു ആര്‍ കോഡ് അല്ലങ്കില്‍ ടോക്കണ്‍ നമ്പർ ലഭിക്കും. എന്നാല്‍ അനുവദിച്ച സമയത്ത് ഔട് ലെറ്റില്‍ എത്താനായില്ലെങ്കില്‍ വീണ്ടും ബുക്ക് ചെയ്യേണ്ടിവരും.
ഓണ്‍ലൈന്‍ വഴി മദ്യം ബുക്ക് ചെയ്യാന്‍ സാധിക്കുക 21 വയസ്സിന് മുകളില്‍ പ്രായമുള്ളവര്‍ക്ക് മാത്രമാണ്. അതേസമയം, സ്മാര്‍ട്ട് ഫോണ്‍ ഇല്ലാത്തവര്‍ക്കായി ഒരു മൊബൈല്‍ നമ്പർ നല്‍കുന്നതാണ് പരിഗണനയിലുള്ളത്. മദ്യം വാങ്ങാന്‍ ആഗ്രഹിക്കുന്നവര്‍ പിന്‍കോഡ് അടക്കമുള്ള വിശദാംശങ്ങള്‍ ഈ നമ്ബറിലേക്ക് എസ്‌എംഎസ് അയച്ചാല്‍ മദ്യം ലഭിക്കാനുള്ള ടോക്കണ്‍ നമ്പർ എസ്‌എംഎസ് ആയി ലഭിക്കും. തലേ ദിവസം ബുക്ക് ചെയ്താല്‍ പിറ്റേ ദിവസം മദ്യം ലഭിക്കുന്ന രീതിയിലാണ് ആപ് ക്രമീകരിച്ചിട്ടുള്ളത്
There are no comments at the moment, do you want to add one?
Write a comment