കൊട്ടാരക്കര :കേരള നിയമസഭാ തിരഞ്ഞെടുപ്പ് 2026 നെ മുന്നോടിയായി കൊട്ടാരക്കര പോലീസ് സ്റ്റേഷനിൽ സ്പെഷ്യൽ പോലീസ് ഓഫീസർമാരെ (SPO) നിയമിക്കുന്നതിന് അപേക്ഷ ക്ഷണിച്ചു. തിരഞ്ഞെടുപ്പ് കാലയളവിൽ നിയമ-സുരക്ഷാ ക്രമീകരണങ്ങൾ ശക്തിപ്പെടുത്തുന്നതിനും പോലീസ് പ്രവർത്തനങ്ങൾക്ക് സഹായം ലഭ്യമാക്കുന്നതിനുമായി താൽക്കാലിക അടിസ്ഥാനത്തിൽ SPO മാരെ നിയമിക്കുന്നതാണ്.
18 മുതൽ 60 വയസ്സ് വരെയുള്ള ശാരീരികമായി ആരോഗ്യവാന്മാരായ പുരുഷന്മാർക്കും സ്ത്രീകൾക്കും അപേക്ഷിക്കാം. മുൻപ് പോലീസ്, സൈന്യം തുടങ്ങിയ യൂണിഫോംഡ് സർവീസുകളിൽ സേവനം അനുഷ്ഠിച്ചവർക്ക് മുൻഗണന ലഭിക്കും. SPC, NSS അംഗങ്ങൾ, മുൻ സൈനികർ, മുൻ പോലീസ് ഉദ്യോഗസ്ഥർ, എക്സ്-SPC അംഗങ്ങൾ, സിവിൽ ഡിഫൻസ് വോളണ്ടിയർമാർ, എൻജിഒ പ്രവർത്തകർ, മറ്റ് യൂണിഫോംഡ് ഫോഴ്സ് അംഗങ്ങൾ എന്നിവർക്കും അപേക്ഷിക്കാൻ അവസരമുണ്ട്.
താൽപര്യമുള്ളവർ ആവശ്യമായ രേഖകൾ, ഫോട്ടോ ഉൾപ്പെടെ കൊട്ടാരക്കര പോലീസ് സ്റ്റേഷനിൽ നേരിട്ട് അപേക്ഷ സമർപ്പിക്കണം. ആകെ SPO നിയമനത്തിൽ 20 ശതമാനം വനിതകൾക്കായി സംവരണം ഉണ്ടായിരിക്കും. അപേക്ഷകൾ 2026 മാർച്ച് 17 ന് മുമ്പായി കൊട്ടാരക്കര പോലീസ് സ്റ്റേഷനിൽ സമർപ്പിക്കണം.