കുളത്തുപ്പുഴ: വിദേശ മദ്യം അനധികൃതമായി സൂക്ഷിച്ച് വില്പനയ്ക്കായി തയ്യാറാക്കിയ നിലയിൽ ഒരാളെ കുളത്തുപ്പുഴ പോലീസ് അറസ്റ്റ് ചെയ്തു. ചോഴിയക്കോട് കല്ലുകുഴി സ്വദേശി രാജേന്ദ്രൻ (54)നെയാണ് 8.8 ലിറ്റർ വിദേശ മദ്യവുമായി പിടികൂടിയത്. ഇയാളിനെതിരെ മുൻകാലങ്ങളിലും വിദേശ മദ്യം വില്പനക്കും വ്യാജ മദ്യം സൂക്ഷിച്ചതിനുമായി കേസുകൾ രജിസ്റ്റർ ചെയ്തിട്ടുണ്ട്. സ്ഥിരമായി അനധികൃത മദ്യവില്പന നടത്തുന്നു എന്ന പരാതികളുടെ അടിസ്ഥാനത്തിൽ കുളത്തുപ്പുഴ പോലീസ് രഹസ്യ നിരീക്ഷണം നടത്തി വരികയായിരുന്നു. സബ് ഇൻസ്പെക്ടർമാരായ ഷാജഹാൻ എം, സൂരജ് സ്റ്റീഫൻ, സിവിൽ പോലീസ് ഓഫീസർ അഭിലാഷ് എന്നിവർ ചേർന്ന സംഘമാണ് പ്രതിയെ അറസ്റ്റ് ചെയ്തത്. അറസ്റ്റിലായ രാജേന്ദ്രനെ കോടതിയിൽ ഹാജരാക്കി റിമാൻഡ് ചെയ്തു.
