Asian Metro News

ആയൂരിലെ ഗൃഹനാഥന്റെ ആത്മഹത്യക്ക് കാരണക്കാരായ പ്രതികൾ അറസ്റ്റിൽ

 Breaking News
  • ഊർജ്ജസ്വലരായ കുട്ടികൾ മികച്ച സമൂഹത്തിന്റെ അളവുകോലെന്ന് വിദ്യാഭ്യാസ മന്ത്രി. ഊർജ്ജസ്വലരായ കുട്ടികൾ മികവുറ്റ സമൂഹത്തിന്റെ അളവുകോൽ ആണെന്ന് പൊതുവിദ്യാഭ്യാസ മന്ത്രി വി ശിവൻകുട്ടി അഭിപ്രായപ്പെട്ടു. ഒരു സമൂഹത്തിലെ കുട്ടികളുടെ അവസ്ഥ നോക്കിയാൽ ആ സമൂഹത്തിന്റെ യഥാർത്ഥ നില മനസ്സിലാവും, സംസ്ഥാന ബാലാവകാശ സംരക്ഷണ കമ്മീഷൻ സംഘടിപ്പിച്ച നേമം നിയോജക മണ്ഡലതല സെമിനാർ ഉദ്ഘാടനം...
  • അനീമിയ മുക്ത കേരളത്തിന് കൂട്ടായ പ്രയത്നം ആവശ്യം: മന്ത്രി വീണാ ജോർജ്. അനീമിയ മുക്ത കേരളത്തിന് കൂട്ടായ പ്രയത്നം ആവശ്യമാണെന്ന് ആരോഗ്യ മന്ത്രി വീണാ ജോർജ്. ഈ ലക്ഷ്യം കൈവരിക്കാൻ ‘വിവ (വിളർച്ചയിൽ നിന്നും വളർച്ചയിലേക്ക്) കേരളം’ കാമ്പയിനിലൂടെ 15 മുതൽ 59 വയസുവരെയുള്ള സ്ത്രീകളിൽ അനീമിയ കണ്ടെത്തുകയും ആവശ്യമായവർക്ക് ചികിത്സ ഉറപ്പാക്കുകയും ചെയ്യുന്നു. ഇതിന്റെ പ്രവർത്തനങ്ങൾ...
  • മുഖ്യമന്ത്രി അനുശോചിച്ചു . സംസ്ഥാന ചീഫ് ഇലക്ഷൻ ഓഫീസറായിരുന്ന എൻ. മോഹൻ ദാസിന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു....
  • ക‌ൃത്രിമം തടയാൻ സുരക്ഷാ നടപടികൾ നിർദ്ദേശിച്ചതായി ക്ഷേമ ബോർഡ് കേരള പ്രവാസി ക്ഷേമ ബോർഡ് ഹെഡ് ഓഫീസിലെ സോഫ്റ്റ്‌വെയർ സംവിധാനത്തിൽ കൃത്രിമത്വം കാട്ടി അനധികൃത പെൻഷൻ ലഭിക്കാൻ വഴിവെച്ചതിനെ തുടർന്ന് കൃത്രിമം തടയാനായി സുരക്ഷാ നടപടികൾ സ്വീകരിക്കാൻ കെൽട്രോണിന് നിർദ്ദേശം നൽകിയതായി  ബോർഡ് ചീഫ് എക്‌സിക്യൂട്ടീവ് ഓഫീസർ അറിയിച്ചു.നഷ്ടപ്പെട്ട തുക തിരിച്ചുപിടിക്കാൻ...
  • വന്ധ്യതാ ചികിത്സ നടത്തുന്ന സ്ഥാപനങ്ങൾക്ക് രജിസ്ട്രേഷൻ നൽകി . കേന്ദ്ര സർക്കാരിന്റെ അസിസ്റ്റഡ് റീപ്രൊഡക്ടീവ് ടെക്‌നോളജി (റെഗുലേഷൻ) ആക്ട് 2021, സറൊഗസി (റെഗുലേഷൻ) ആക്ട് 2021 എന്നിവയനുസരിച്ച് സ്വകാര്യ/ സർക്കാർ സ്ഥാപനങ്ങൾക്ക് വന്ധ്യത ചികിത്സ നടത്തുന്നതിന് രജിസ്‌ട്രേഷൻ നിർബന്ധമാണ്.ആക്ടിലെ മാർഗ്ഗനിർദേശമനുസരിച്ച് നിശ്ചിത മാനദണ്ഡങ്ങൾ പാലിക്കുന്ന സ്ഥാപനങ്ങൾക്കാണ് രജിസ്‌ട്രേഷൻ നൽകുന്നത്.ഇതിന്റെ അടിസ്ഥാനത്തിൽ സംസ്ഥാന ബോർഡ്...

ആയൂരിലെ ഗൃഹനാഥന്റെ ആത്മഹത്യക്ക് കാരണക്കാരായ പ്രതികൾ അറസ്റ്റിൽ

ആയൂരിലെ ഗൃഹനാഥന്റെ ആത്മഹത്യക്ക് കാരണക്കാരായ പ്രതികൾ അറസ്റ്റിൽ
January 25
22:58 2023

ചടയമംഗലം : കഴിഞ്ഞ ജനുവരി 18 -ാം തീയതി വൈകിട്ട് ഇടമുളയ്ക്കൽ വില്ലേജിൽ പെരിങ്ങല്ലൂർ എന്ന സ്ഥലത്ത് വീടിനു സമീപം വച്ച് പിതാവിനോടൊപ്പം ബൈക്കിൽ യാത്ര ചെയ്ത പ്രായപൂർത്തിയാകാത്ത പെൺകുട്ടിയേയും പിതാവിനേയും തടഞ്ഞു നിർത്തി പെൺകുട്ടിയോട് അപമര്യാതയായി സംസാരിച്ചതിനെ തുടർന്ന് പിതാവ് ചോദ്യം ചെയ്തതിലുള്ള വിരോധത്താൽ മദ്യലഹരിയിൽ ആയിരുന്ന നാലു പ്രതികളും ചേർന്ന് പിതാവിനെ ദേഹോപദ്രവും ഏൽപ്പിക്കുകയും ഇതിൽ മനംനൊന്ത് പിതാവ് പിന്നീട് ആത്മഹത്യ ചെയ്യുകയും ചെയ്തു. സംഭവത്തിനുശേഷം നാലു പ്രതികളും ഒളിവിൽ പോവുകയായിരുന്നു. പെൺകുട്ടിയുടെ മൊഴി പ്രകാരം ചടയമംഗലം പോലീസ് ഒന്നാംപ്രതി ആയൂർ അകമൺ എന്ന സ്ഥലത്ത് ഷംല മൻസിൽ മുഹമ്മദ് ഫൈസൽ (42), രണ്ടാംപ്രതി മഞ്ഞപ്പാറ മലപ്പേരൂർ തെക്കേടത്ത് മേലതിൽ വീട്ടിൽ മോനിഷ് മോഹൻ (29), മൂന്നാം പ്രതി മഞ്ഞപ്പാറ മലപ്പേരൂർ തടത്തിൽ ചരിവിള വീട്ടിൽ നൗഫൽ (30), നാലാം പ്രതി ഉമ്മന്നൂർ വേങ്ങൂർ രേഷ്മ ഭവനിൽ താമസിക്കുന്ന ഇടുക്കി പുഷ്പഗിരി വള്ളിക്കാട്ടിൽ വീട്ടിൽ ആൻസൺ വി വർഗീസ് (28) എന്നിവരെ പ്രതിയായി ചേർത്ത് ആത്മഹത്യാ പ്രേരണ കുറ്റത്തിന് കേസ് രജിസ്റ്റർ ചെയ്തു. പ്രായപൂർത്തിയാകാത്ത പെൺകുട്ടി ആയതിനാൽ കുട്ടിക്ക് നേരെ നടന്ന അതിക്രമത്തിന് പോലീസ് പോക്സോ നിയമപ്രകാരവും പ്രതികൾക്കെതിരെ കേസെടുത്തിട്ടുണ്ട്. സംഭവത്തിനുശേഷം ഒളിവിൽ പോയ പ്രതികളെ കൊല്ലം റൂറൽ ജില്ലാ പോലീസ് മേധാവി സുനിൽ ഐപിഎസ്സിന്റെ നിർദ്ദേശാനുസരണം കൊട്ടാരക്കര ഡിവൈഎസ്പി. ജി. ഡി. വിജയകുമാറിന്റെ നേതൃത്വത്തിൽ ചടയമംഗലം പോലീസ് ഇൻസ്പെക്ടർ ജി. സുനിൽ, സബ്ഇൻസ്പെക്ടർമാരായ മോനിഷ് , മനോജ് എഫ്. ആർ, സി. പി. ഒ. സനൽ എന്നിവർ അടങ്ങിയ സംഘം നടത്തിയ ഊർജ്ജിതമായ അന്വേഷണത്തിൽ അറസ്റ്റ് ചെയ്യുകയായിരുന്നു. അറസ്റ്റ് ചെയ്ത പ്രതികളെ കോടതിയിൽ ഹാജരാക്കി റിമാന്റ് ചെയ്തു.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment