Asian Metro News

ഒരു തദ്ദേശ സ്വയം ഭരണ സ്ഥാപനം-ഒരു ആശയം പദ്ധതിക്കായി ഹെൽപ്പ് ലൈൻ

 Breaking News
  • ഊർജ്ജസ്വലരായ കുട്ടികൾ മികച്ച സമൂഹത്തിന്റെ അളവുകോലെന്ന് വിദ്യാഭ്യാസ മന്ത്രി. ഊർജ്ജസ്വലരായ കുട്ടികൾ മികവുറ്റ സമൂഹത്തിന്റെ അളവുകോൽ ആണെന്ന് പൊതുവിദ്യാഭ്യാസ മന്ത്രി വി ശിവൻകുട്ടി അഭിപ്രായപ്പെട്ടു. ഒരു സമൂഹത്തിലെ കുട്ടികളുടെ അവസ്ഥ നോക്കിയാൽ ആ സമൂഹത്തിന്റെ യഥാർത്ഥ നില മനസ്സിലാവും, സംസ്ഥാന ബാലാവകാശ സംരക്ഷണ കമ്മീഷൻ സംഘടിപ്പിച്ച നേമം നിയോജക മണ്ഡലതല സെമിനാർ ഉദ്ഘാടനം...
  • അനീമിയ മുക്ത കേരളത്തിന് കൂട്ടായ പ്രയത്നം ആവശ്യം: മന്ത്രി വീണാ ജോർജ്. അനീമിയ മുക്ത കേരളത്തിന് കൂട്ടായ പ്രയത്നം ആവശ്യമാണെന്ന് ആരോഗ്യ മന്ത്രി വീണാ ജോർജ്. ഈ ലക്ഷ്യം കൈവരിക്കാൻ ‘വിവ (വിളർച്ചയിൽ നിന്നും വളർച്ചയിലേക്ക്) കേരളം’ കാമ്പയിനിലൂടെ 15 മുതൽ 59 വയസുവരെയുള്ള സ്ത്രീകളിൽ അനീമിയ കണ്ടെത്തുകയും ആവശ്യമായവർക്ക് ചികിത്സ ഉറപ്പാക്കുകയും ചെയ്യുന്നു. ഇതിന്റെ പ്രവർത്തനങ്ങൾ...
  • മുഖ്യമന്ത്രി അനുശോചിച്ചു . സംസ്ഥാന ചീഫ് ഇലക്ഷൻ ഓഫീസറായിരുന്ന എൻ. മോഹൻ ദാസിന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു....
  • ക‌ൃത്രിമം തടയാൻ സുരക്ഷാ നടപടികൾ നിർദ്ദേശിച്ചതായി ക്ഷേമ ബോർഡ് കേരള പ്രവാസി ക്ഷേമ ബോർഡ് ഹെഡ് ഓഫീസിലെ സോഫ്റ്റ്‌വെയർ സംവിധാനത്തിൽ കൃത്രിമത്വം കാട്ടി അനധികൃത പെൻഷൻ ലഭിക്കാൻ വഴിവെച്ചതിനെ തുടർന്ന് കൃത്രിമം തടയാനായി സുരക്ഷാ നടപടികൾ സ്വീകരിക്കാൻ കെൽട്രോണിന് നിർദ്ദേശം നൽകിയതായി  ബോർഡ് ചീഫ് എക്‌സിക്യൂട്ടീവ് ഓഫീസർ അറിയിച്ചു.നഷ്ടപ്പെട്ട തുക തിരിച്ചുപിടിക്കാൻ...
  • വന്ധ്യതാ ചികിത്സ നടത്തുന്ന സ്ഥാപനങ്ങൾക്ക് രജിസ്ട്രേഷൻ നൽകി . കേന്ദ്ര സർക്കാരിന്റെ അസിസ്റ്റഡ് റീപ്രൊഡക്ടീവ് ടെക്‌നോളജി (റെഗുലേഷൻ) ആക്ട് 2021, സറൊഗസി (റെഗുലേഷൻ) ആക്ട് 2021 എന്നിവയനുസരിച്ച് സ്വകാര്യ/ സർക്കാർ സ്ഥാപനങ്ങൾക്ക് വന്ധ്യത ചികിത്സ നടത്തുന്നതിന് രജിസ്‌ട്രേഷൻ നിർബന്ധമാണ്.ആക്ടിലെ മാർഗ്ഗനിർദേശമനുസരിച്ച് നിശ്ചിത മാനദണ്ഡങ്ങൾ പാലിക്കുന്ന സ്ഥാപനങ്ങൾക്കാണ് രജിസ്‌ട്രേഷൻ നൽകുന്നത്.ഇതിന്റെ അടിസ്ഥാനത്തിൽ സംസ്ഥാന ബോർഡ്...

ഒരു തദ്ദേശ സ്വയം ഭരണ സ്ഥാപനം-ഒരു ആശയം പദ്ധതിക്കായി ഹെൽപ്പ് ലൈൻ

ഒരു തദ്ദേശ സ്വയം ഭരണ സ്ഥാപനം-ഒരു ആശയം പദ്ധതിക്കായി ഹെൽപ്പ് ലൈൻ
December 12
12:26 2022

ഒരു തദ്ദേശ സ്വയം ഭരണ സ്ഥാപനം- ഒരു ആശയം പദ്ധതിയുടെ ഭാഗമായി ഹെൽപ്പ് ലൈൻ നമ്പർ നിലവിൽ വരുന്നു. 0471-2737877 എന്ന നമ്പറിൽ തദ്ദേശ സ്വയം ഭരണ സ്ഥാപനങ്ങൾക്കും പ്രാദേശിക ആശയദാതാക്കൾക്കും സംശയങ്ങൾ ദൂരികരിക്കുന്നതിന് വിളിക്കാനാകും. ഹെൽപ്പ് ലൈൻ നമ്പറിന്റെ സംസ്ഥാനതല ഉദ്ഘാടനം ഡിസംബർ 12ന് വൈകിട്ട് നാല് മണിക്ക് നവകൈരളി ഹാളിൽ തദ്ദേശ സ്വയം ഭരണ എക്‌സൈസ് വകുപ്പ് മന്ത്രി എം.ബി. രാജേഷ് നിർവഹിക്കും.

പ്രാദേശിക സാമ്പത്തിക വികസന രംഗത്തെ ഇടപെടലുകൾക്ക് ശക്തിപകരുന്നതാകും ഹെൽപ്പ് ലൈന്റെ പ്രവർത്തനമെന്ന് മന്ത്രി എം.ബി. രാജേഷ് പറഞ്ഞു. വികേന്ദ്രീകാസൂത്രണത്തിന്റെ കാൽനൂറ്റാണ്ടിന്റെ അനുഭവവുമായിട്ടാണ് പ്രാദേശിക സാമ്പത്തിക വികസന പദ്ധതികളിലേക്ക് തദ്ദേശ സ്വയം ഭരണ സ്ഥാപനങ്ങൾ കടക്കുന്നത്. ജനങ്ങൾ അഭിമുഖീകരിക്കുന്ന ജീവിതപ്രശ്‌നങ്ങളെ പുത്തനാശയ രൂപീകരണത്തിലൂടെ പരിഹരിക്കാനാണ് ശ്രമിക്കുന്നത്. സർക്കാരിന്റെ നിർണായക ചുവടുവെപ്പ് ഫലപ്രദമായി ഉപയോഗിക്കാൻ എല്ലാ തദ്ദേശ സ്വയം ഭരണ സ്ഥാപനങ്ങളും തയ്യാറാകണമെന്നും മന്ത്രി നിർദേശിച്ചു.

പദ്ധതി സംബന്ധിച്ച് ഗ്രാമപഞ്ചായത്ത് അസോസിയേഷൻ, ബ്ലോക്ക് പഞ്ചായത്ത് അസോസിയേഷൻ, ജില്ലാ പഞ്ചായത്ത് പ്രസിഡൻറ്‌സ് ചേമ്പർ, ചേമ്പർ ഓഫ് മുൻസിപ്പൽ ചെയർമാൻ, മേയേഴ്‌സ് കൗൺസിൽ എന്നിവരുമായി മന്ത്രി വിപുലമായ ചർച്ച നടത്തും. എല്ലാ തദ്ദേശ സ്വയം ഭരണ സ്ഥാപന ഭാരവാഹികളെയും ബോധവത്കരിക്കാനുള്ള ഇടപെടലും തുടരുകയാണ്. കെ ഡിസ്‌കിന്റെ നേതൃത്വത്തിൽ സംസ്ഥാനത്താകെ പരിശീലന പരിപാടികൾ ഇതിനകം സംഘടിപ്പിച്ചു കഴിഞ്ഞു. കില, സ്റ്റാർട്ടപ്പ് മിഷൻ, ഐആർടിസി, സിഎംഡി എന്നിവയുടെ സഹകരണത്തോടെയാണ് പദ്ധതി നടത്തുന്നത്.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment