മനുഷ്യസ്നേഹത്തിലൂന്നിയും ജീവകാരുണ്യം മുൻനിർത്തിയുമാകണം ആശുപത്രികളുടെ പ്രവർത്തനം : മന്ത്രി
May 05
14:45
2022
മനുഷ്യ സ്നേഹത്തിലൂന്നിയും ജീവകാരുണ്യം മുൻ നിർത്തിയുമായിരിക്കണം ആശുപത്രികൾ പ്രവർത്തിക്കേണ്ടതെന്ന് ഉന്നത വിദ്യാഭ്യാസ സാമൂഹ്യ നീതി വകുപ്പ് മന്ത്രി ഡോ.ആർ ബിന്ദു. ഇരിങ്ങാലക്കുട ജനറൽ ആശുപത്രിയിലെ ഡയാലിസിസ് യൂണിറ്റിന്റെ ശിലാസ്ഥാപനം നിർവഹിക്കുകയായിരുന്നു മന്ത്രി.
സർക്കാർ ആശുപത്രിയിലെ സേവനങ്ങൾ ജനങ്ങളിലെത്തിക്കേണ്ടതും പൊതുആരോഗ്യ മേഖലയിലേയ്ക്ക് കൂടുതലാളുകളെ എത്തിക്കേണ്ടതും സമൂഹത്തിന്റെ കൂടി ഉത്തരവാദിത്തമാണെന്നും മന്ത്രി കൂട്ടിച്ചേർത്തു. ഇരിങ്ങാലക്കുട ജനറൽ ആശുപത്രിയുടെ വികസനപ്രവർത്തനങ്ങൾ ത്വരിതഗതിയിൽ ആക്കുമെന്നും വാർഡുകളും ഓപ്പറേഷൻ തിയറ്ററുകളും അടങ്ങുന്ന പുതിയ കെട്ടിടത്തിൻ്റെ പണികൾ നബാർഡ് സഹായത്തോടെ 12 കോടി ചെലവിൽ പൂർത്തീകരിക്കുമെന്നും മന്ത്രി അറിയിച്ചു.
There are no comments at the moment, do you want to add one?
Write a comment