കോവിഡിന്റെ പശ്ചാത്തലത്തിൽ മാഹിയുള്പ്പടെ പുതുച്ചേരി സംസ്ഥാനത്തെ മുഴുവന് സര്ക്കാര്, സ്വകാര്യ വിദ്യാലയങ്ങളും അനിശ്ചിതകാലത്തേക്ക് അടച്ചു. വിദ്യാഭ്യാസ മന്ത്രി എ. നമശിവായം ആണ് ഇക്കാര്യം അറിയിച്ചത്.ഗ്രേഡ് ഒന്നു മുതൽ ഒമ്പതു വരെയുള്ള ക്ലാസുകളാണ് ഓൺലൈനിലേക്ക് മാറുന്നത്. പുതുച്ചേരി, കാരക്കല്, മാഹി, യാനം മേഖലകളില് തിങ്കള് മുതല് ഇനിയൊരു ഉത്തരവ് ഉണ്ടാകുന്നതുവരെ സ്കൂളുകള് അടച്ചിടാനാണ് തീരുമാനം.
അതേസമയം ഡൽഹിയിൽ കോവിഡ് കുതിച്ചുയരുന്നു, ഒപ്പം മരണവും. ഇന്ന് രാജ്യതലസ്ഥാനത്ത് കോവിഡ് ബാധിച്ച് 17 മരണം റിപ്പോർട്ട് ചെയ്തു. ടെസ്റ്റ് പോസിറ്റിവിറ്റി നിരക്ക് 23 ശതമാനമായി ഉയർന്നു.കഴിഞ്ഞ ഒരു ദിവസത്തിനുള്ളിൽ റിപ്പോർട്ട് ചെയ്തത് 22751 കേസുകൾ. മുൻ ദിവസത്തെ അപേക്ഷിച്ച് 12 ശതമാനം വർദ്ധനവാണ് രേഖപെടുത്തിയത്. ഡൽഹിയിൽ കഴിഞ്ഞ നാലു ദിവസത്തിനുള്ളിൽ 8000ൽ അധികം കേസുകളുടെ വർധനവാണ് ഉണ്ടായിരിക്കുന്നത്