മലയാളി നഴ്സ് മാള്ട്ടയില് ദുരൂഹസാഹചര്യത്തില് മരിച്ചതില് ദുരൂഹതകള് ഏറുന്നു. കോതമംഗലം പല്ലാരിമംഗലം സ്വദേശി ഹാപ്പിനഗര് പറമ്പിൽ ഷിഹാബിന്റെ ഭാര്യ ബിന്സിയ (36) ആണു മരിച്ചത്. വലേറ്റ മാറ്റര് ഡി ആശുപത്രിയില് നഴ്സായിരുന്നു ബിന്സിയ.
വ്യാഴാഴ്ച രാത്രി പത്തരയോടെ താമസസ്ഥലത്തു ബോധമറ്റനിലയില് കണ്ടെത്തിയ ബിന്സിയയെ ആശുപത്രിയില് എത്തിച്ചെങ്കിലും രക്ഷിക്കാനായില്ല. സമൂഹമാധ്യമങ്ങളിലെ വിഡിയോകളിലൂടെ മാള്ട്ടയിലെ മലയാളികള്ക്കു സുപരിചിതയായിരുന്നു ബിന്സിയ.