Asian Metro News

ഓണത്തോടനുബന്ധിച്ച് പ്രതിരോധപ്രവര്‍ത്തനങ്ങള്‍ ശക്തമാക്കി

 Breaking News
  • പത്തനംതിട്ട നഗരസഭയില്‍ കണ്‍ട്രോള്‍ റൂം തുറന്നു പത്തനംതിട്ട:  അതിശക്തമായ മഴക്കെടുതിയെ തുടര്‍ന്നുള്ള അടിയന്തിര സാഹചര്യം മുന്‍നിര്‍ത്തി പത്തനംതിട്ട നഗരസഭയില്‍ കണ്‍ട്രോള്‍ റൂം ഏര്‍പ്പെടുത്തി. നഗരസഭാ നിവാസികള്‍ക്ക് 24 മണിക്കൂറും കണ്‍ട്രോള്‍ റൂമുമായി ബന്ധപ്പെടാവുന്നതാണ്. നഗരസഭാ ചെയര്‍മാന്‍ അഡ്വ.ടി.സക്കീര്‍ ഹുസൈന്റെ അധ്യക്ഷതയില്‍ ചേര്‍ന്ന അടിയന്തിര അവലോകന യോഗത്തിലാണ് തീരുമാനം....
  • 2 ജില്ലകളില്‍ ഓറഞ്ച് അലര്‍ട്ട് കേന്ദ്രകാലാവസ്ഥ വകുപ്പ് സംസ്ഥാനത്തെ രണ്ട് ജില്ലകളില്‍ നാളെ ഓറഞ്ച് അലര്‍ട്ടും ആറ് ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചു. മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്‍ട്ട്. ഇടുക്കി, എറണാകുളം, തൃശൂര്‍, പാലക്കാട്, വയനാട്, കണ്ണൂര്‍ ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചിട്ടുണ്ട്....
  • കൊട്ടാരക്കര നെല്ലിക്കുന്നത്ത് മാതാപിതാക്കൾക്കൊപ്പം ഉണ്ടായിരുന്ന മൂന്ന് വയസ്സുകാരനെ രാത്രിയിൽ കാണാതായി. കൊട്ടാരക്കര : നെല്ലിക്കുന്നത്ത് മാതാപിതാക്കൾക്കൊപ്പം ഉണ്ടായിരുന്ന മൂന്ന് വയസ്സുകാരനെ രാത്രിയിൽ കാണാതായി. കടത്തിണ്ണയിൽ ക്യാമ്പ് ചെയ്തിരുന്ന സംഘത്തിൽ നിന്നുമാണ് കാണാതായത്. രാത്രിയിൽ സമീപത്തെ തോട്ടിൽ ഫയർ ഫോഴ്സ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. ശക്തമായ മഴ ഇന്നലെ രാത്രി മുതൽ പെയ്തു...
  • സംസ്ഥാനത്ത് വെള്ളിയാഴ്ച 8867 പേര്‍ക്ക് കോവിഡ് സ്ഥിരീകരിച്ചു. തിരുവനന്തപുരം∙ സംസ്ഥാനത്ത് വെള്ളിയാഴ്ച 8867 പേര്‍ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 79,554 സാംപിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 67 മരണമാണ് കോവിഡ് മൂലമാണെന്ന് ഇന്നു സ്ഥിരീകരിച്ചത്. ഇതോടെ ആകെ മരണം 26,734 ആയി. രോഗം സ്ഥിരീകരിച്ച് ചികിത്സയിലായിരുന്ന 9872...
  • സര്‍ക്കാരിന് വേണ്ടി മന്ത്രി കെ. എന്‍. ബാലഗോപാല്‍ പുഷ്പചക്രം സമര്‍പ്പിച്ചു വൈശാഖിന് ജന്മനാടിന്റെ വിട ജമ്മുകാശ്മീരിലെ പൂഞ്ചില്‍ ഭീകരവാദികളുമായുണ്ടായ ഏറ്റുമുട്ടലില്‍ വീരമൃത്യു വരിച്ച ജവാന്‍ ഓടനാവട്ടം കുടവട്ടൂര്‍ സ്വദേശി എച്ച്. വൈശാഖിന് ജന്മനാടിന്റെ വിട. സംസ്ഥാന സര്‍ക്കാരിന് വേണ്ടി ധനകാര്യ വകുപ്പ് മന്ത്രി കെ. എന്‍. ബാലഗോപാല്‍ പുഷ്പചക്രം അര്‍പ്പിച്ചു. ജില്ലാ ഭരണകൂടത്തിന് വേണ്ടി ജില്ലാ കലക്ടര്‍...

ഓണത്തോടനുബന്ധിച്ച് പ്രതിരോധപ്രവര്‍ത്തനങ്ങള്‍ ശക്തമാക്കി

ഓണത്തോടനുബന്ധിച്ച് പ്രതിരോധപ്രവര്‍ത്തനങ്ങള്‍ ശക്തമാക്കി
August 04
15:56 2021

കൊല്ലം : ഓണത്തിന് മുന്നോടിയായി കോവിഡ് പ്രതിരോധ പ്രവര്‍ത്തനങ്ങള്‍ കൂടുതല്‍ ശക്തമാക്കി ജില്ലയിലെ തദ്ദേശസ്ഥാപനങ്ങള്‍. പുനലൂര്‍ നഗരസഭയില്‍ ആര്‍.ഡി.ഒയുടെ നേതൃത്വത്തില്‍ പ്രത്യേക യോഗം ചേര്‍ന്നു. കച്ചവടസ്ഥാപനങ്ങളിലെ തിരക്ക് നിയന്ത്രണവിധേയമാക്കുന്നതിനായി വ്യാപാരികള്‍ക്ക് പ്രത്യേക മാര്‍ഗനിര്‍ദേശങ്ങള്‍ നല്‍കി. മാനദണ്ഡപാലനം സംബന്ധിച്ച് സ്ഥിരമായി അനൗണ്‍സ്‌മെന്റുകള്‍ ഏര്‍പ്പെടുത്താനും തീരുമാനിച്ചു. ഓട്ടോ-ടാക്‌സി ഡ്രൈവര്‍മാരില്‍ കോവിഡ് പരിശോധന നടന്നുവരുന്നതായും ചെയര്‍പേഴ്‌സണ്‍ നിമ്മി എബ്രഹാം പറഞ്ഞു.‘മാതൃകവചം’ വാക്‌സിനേഷന്‍ ഡ്രൈവ് മുഖേന പുനലൂര്‍ താലൂക്ക് ആശുപത്രിയുടെ നേതൃത്വത്തില്‍ 54 ഗര്‍ഭിണികള്‍ക്ക് വാക്സിന്‍ നല്‍കി. താലൂക്ക് ആശുപത്രിയിലും വാക്‌സിനേഷന്‍ ഉപകേന്ദ്രത്തിലുമായി ഇന്നലെ (ഓഗസ്റ്റ് 03) 800 പേര്‍ വാക്‌സിന്‍ സ്വീകരിച്ചു.

ഡി കാറ്റഗറിയിലുള്ള അഞ്ചല്‍ ഗ്രാമപഞ്ചായത്തില്‍ 19 വാര്‍ഡുകളിലും എല്ലാദിവസവും ആന്റിജന്‍ പരിശോധന നടത്തും. തിങ്കളാഴ്ച നടത്തിയ പരിശോധനയില്‍ ടെസ്റ്റ് പോസിറ്റിവിറ്റി നിരക്ക് 5.55 ശതമാനലേക്ക് എത്തി. അഞ്ചല്‍ ഈസ്റ്റ് സര്‍ക്കാര്‍ ഹയര്‍ സെക്കന്‍ഡറി സ്‌കൂളില്‍ പ്രവര്‍ത്തിക്കുന്ന സി.എഫ്.എല്‍.ടി സിയില്‍ 57 രോഗികളുണ്ട്. ഇവര്‍ക്ക് ആവശ്യമായ ഭക്ഷണവും മരുന്നുകളും പഞ്ചായത്തിന്റെ നേതൃത്വത്തില്‍ എത്തിച്ചു നല്‍കുന്നുണ്ടെന്ന് പ്രസിഡന്റ് എസ്. ബൈജു പറഞ്ഞു. ശൂരനാട് തെക്ക് പഞ്ചായത്തില്‍ വാര്‍ഡുകള്‍ കേന്ദ്രീകരിച്ച് പരിശോധന നടത്തുന്നുണ്ട്. ബി കാറ്റഗറിയിലുള്‍പ്പെടുന്ന പഞ്ചായത്തിലെ നിലവിലെ ടി.പി.ആര്‍ ഏഴ് ആണ്. പഞ്ചായത്തിലെ എല്ലാ സ്ഥാപനങ്ങളും കോവിഡ് മാനദണ്ഡം പാലിച്ചാണ് പ്രവര്‍ത്തിക്കുന്നതെന്ന് പ്രസിഡന്റ് എസ്. കെ. ശ്രീജ പറഞ്ഞു.

കിഴക്കേ കല്ലട ഗ്രാമപഞ്ചായത്തിലെ ഡി.സി.സിയില്‍ നിലവില്‍ 28 രോഗികളുണ്ട്. 188 പേര്‍ക്ക് ആന്റിജന്‍ പരിശോധന നടത്തിയതില്‍ ആറുപേര്‍ പോസിറ്റീവ് ആയി. പ്രതിരോധ പ്രവര്‍ത്തനങ്ങളുടെ ഭാഗമായി അനൗണ്‍സ്‌മെന്റ്കള്‍ നടത്തുന്നു. മൂന്ന് ഘട്ടങ്ങളിലായി പ്രതിരോധ മരുന്നുകള്‍ വിതരണം ചെയ്തു. ആംബുലന്‍സ് ഉള്‍പ്പെടെയുള്ള വാഹന സൗകര്യവും ഏര്‍പ്പെടുത്തിയിട്ടുണ്ടെന്ന് പ്രസിഡന്റ് ഉമാദേവി പറഞ്ഞു.

കൊട്ടാരക്കരയിലെ നെടുവത്തൂര്‍ ഗ്രാമപഞ്ചായത്തില്‍ ആന്റിജന്‍, ആര്‍.ടി.പി. സി.ആര്‍ പരിശോധനകളുടെ എണ്ണം വര്‍ധിപ്പിച്ചു. ആര്‍.ആര്‍.ടികളുടെ പ്രവര്‍ത്തനം കൂടുതല്‍ കാര്യക്ഷമമാക്കി. പാലിയേറ്റീവ് രോഗികള്‍ക്ക് വീടുകളിലെത്തി വാക്‌സിന്‍ നല്‍കി വരുന്നതായി പ്രസിഡന്റ് ആര്‍.സത്യഭാമ പറഞ്ഞു. മേലിലയില്‍ ജില്ലാ പഞ്ചായത്തിന്റെ നേതൃത്വത്തില്‍ ആന്റിജന്‍ പരിശോധന കിറ്റ്, ആയുര്‍വേദ-ഹോമിയോ പ്രതിരോധ മരുന്നുകള്‍ എന്നിവ വിതരണം ചെയ്തു. കോളനികള്‍ കേന്ദ്രീകരിച്ചു പരിശോധനകള്‍ വര്‍ധിപ്പിച്ചു.

മുഖത്തലയിലെ ഇളമ്പള്ളൂര്‍ ഗ്രാമപ്പഞ്ചായത്തില്‍ വാക്സിനേഷന് മുന്‍പ് കോവിഡ് പരിശോധന നിര്‍ബന്ധമാക്കിയതായി പ്രസിഡന്റ് ആമിന ഷെരീഫ് പറഞ്ഞു. കോവിഡ് രോഗബാധിതര്‍ കൂടുതലുള്ള ഓച്ചിറയിലെ ക്ലാപ്പന ഗ്രാമപഞ്ചായത്തില്‍ പ്രതിരോധ പ്രവര്‍ത്തനങ്ങള്‍ ശക്തമാക്കിയതായി ബ്ലോക്ക് പഞ്ചായത്ത് പ്രസിഡന്റ് ദീപ്തി രവീന്ദ്രന്‍ പറഞ്ഞു. കരുനാഗപ്പള്ളി നഗരസഭയില്‍ ബഡ്സ് സ്‌കൂള്‍, റോട്ടറി ക്ലബ് വഴിയും മൊബൈല്‍ പരിശോധന യൂണിറ്റ് വഴിയും കോവിഡ് പരിശോധന വ്യാപകമാക്കി.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment