മാവേലിക്കര നൂറനാട് പടനിലം ഹയർ സെക്കണ്ടറി സ്കൂളിലെ മുപ്പത് കോടി രൂപയുടെ അഴിമതിയിലും, 2001 മുതൽ സ്കൂളിൽ നടത്തിയ നിയമനങ്ങളിൽ വിജിലൻസ് അന്വേഷണം നടത്തുക, ഭരണ സമിതി പിരിച്ചുവിടുക, ജനാധിപത്യ രീതിയിൽ തിരഞ്ഞെടുപ്പ് നടത്തുക എന്നീ ആവശ്യങ്ങൾ ഉന്നയിച്ച് ബിജെപി നിയോജക മണ്ഡലം പ്രസിഡൻറ് അഡ്വ.കെ.കെ.അനൂപിൻ്റെ നേത്യത്വത്തിൽ നൂറനാട്, പാലമേൽ പഞ്ചായത്തിലെ ജനപ്രതിനിധികൾ ഉപവാസ സമരം നടത്തി.
രാവിലെ പത്ത് മണി മുതൽ പടനിലം ജംഗ്ഷനിൽ നടന്ന ഉപരോധ സമരം ജില്ലാ പ്രസിഡൻറ് എം.വി.ഗോപകുമാർ ഉൽഘാടനം ചെയ്തു.
വിദ്യാർഥികൾക്ക് നല്ലപാഠം പകർന്ന് നൽകേണ്ട വിദ്യാലയങ്ങളിൽ പോലും കടന്ന് കയറി അഴിമതി നടത്തുന്ന നിലയിലേക്ക് സിപിഎം തരംതാഴ്ന്നതിന് തെളിവാണ് പടനിലം സ്കൂളിൽ നടന്ന അഴിമതി എന്ന് യോഗം ഉൽഘാടനം ചെയ്തു കൊണ്ട് അദ്ദേഹം പറഞ്ഞു.
വൈകിട്ട് അഞ്ച് മണിക്ക് നടന്ന സമാപന യോഗം ബിജെപി ജില്ലാ ജനറൽ സെക്രട്ടറി പി.കെ.വാസുദേവൻ ഉൽഘാടനം ചെയ്തു.
ബിജെപി മണ്ഡലം സെക്രട്ടറി കെ.ആർ.പ്രദീപ് അധ്യക്ഷത വഹിച്ചു.
ബിജെപി മണ്ഡലം ജനറൽ സെക്രട്ടറി അഡ്വ.കെ.വി.അരുൺ, ജില്ലാ ട്രഷറർ കെ.ജി.കർത്ത, സംസ്ഥാന കൗൺസിൽ അംഗം മണിക്കുട്ടൻ വെട്ടിയാർ,
മണ്ഡലം വൈസ് പ്രസിഡൻ്റുമാരായ ബിനു ചാങ്കൂരേത്ത്, കെ.സഞ്ചു, മണ്ഡലം സെക്രട്ടറിമാരായ പീയുഷ് ചാരുംമൂട്, കർഷകമോർച്ച ജില്ലാ സെക്രട്ടറി പി.കെ.ഗോപാലകൃഷ്ണകുറുപ്പ്, മഹിളാ മോർച്ച മണ്ഡലം പ്രസിഡൻറ് പൊന്നമ്മ സുരേന്ദ്രൻ, യുവമോർച്ച മണ്ഡലം പ്രസിഡൻ്റ് സതീഷ് വഴുവാടി, രാഹുൽ ചുനക്കര, പുഷ്പലത,ഒ.മനു, സ്മിത ഓമനക്കുട്ടൻ, പ്രീത രാജേഷ്, അരുൺകുമാർ, അശോകൻ കണ്ണനാകുഴി, അനൂപ് വരേണിക്കൽ, അജിത് കുമാർ, ഷാജി വട്ടയ്ക്കാട്, അശോക് ബാബു എന്നിവർ പ്രസംഗിച്ചു.
ബിജെപി നിയോജക മണ്ഡലം പ്രസിഡൻറും നൂറനാട് ഗ്രാമപഞ്ചായത്ത് അംഗവുമായ അഡ്വ.കെ.കെ.അനൂപിൻ്റെ നേത്യത്വത്തിൽ പാലമേൽ ഗ്രാമപഞ്ചായത്ത് അംഗം അനിൽ പുന്നക്കാകുളങ്ങര ,നൂറനാട് ഗ്രാമപഞ്ചായത്ത് അംഗങ്ങളായ ആർ.വിഷ്ണു, മഞ്ജു സന്തോഷ് എന്നിവരാണ് ഉപവാസ സമരം നടത്തിയത്.