കൊട്ടാരക്കര : നെടുവത്തൂർ പഞ്ചായത്ത് കുടുംബാരോഗ്യ കേന്ദ്രത്തിന് മുൻപിൽ നിൽപ് സമരം നടത്തി. വാക്സിൻ തരൂ ജീവൻ രക്ഷിക്കൂ എന്ന് ആവശ്യപ്പെട്ടുകൊണ്ട് നെടുവത്തൂർ മണ്ഡലം കോൺഗ്രസ് കമ്മിറ്റി നെടുവത്തൂർ പഞ്ചായത്ത് കുടുംബാരോഗ്യ കേന്ദ്രത്തിന് മുൻപിൽ നിൽപ് സമരം നടത്തി. കെ. പി. സി. സി. അംഗം വെളിയം ശ്രീകുമാർ ഉദ്ഘാടനം ചെയ്തു.
മൂന്നാം തരംഗം കുട്ടികളെ ബാധിക്കുമെന്ന് പറയുമ്പോഴും കുട്ടികൾക്ക് വാക്സിനേഷൻ നടത്തുന്നതിനുള്ള ഒരു ക്രമീകരണവും കേന്ദ്രസംസ്ഥാന ഗവണ്മെന്റ്കൾ സ്വീകരിക്കുന്നില്ല എന്നും രണ്ടാം ഡോസ് സമയബന്ധിതമായി നൽകുന്നില്ലായെന്നും സമരം ഉൽഘാടനം ചെയ്തുകൊണ്ട് കെ. പി. സി. സി. അംഗം വെളിയം ശ്രീകുമാർ പറഞ്ഞു. മണ്ഡലം പ്രസിഡന്റ് ചാലൂക്കോണം. പി. ശ്രീകുമാർ അധ്യക്ഷത വഹിച്ചു .യൂ. ഡി. എഫ്. പഞ്ചായത്ത് സമിതി ചെയർമാൻ അനക്കോട്ടൂർ ഗോപകുമാർ, ചാലൂക്കോണം അനിൽകുമാർ, സുഗതകുമാരി,ഭാവന. എം. ബി,മനോജ് മോഹൻ, സുരേഷ്കുമാർ,വല്ലം തുളസി തുടങ്ങിയവർ സംസാരിച്ചു. അജികുമാർ സ്വാഗതവും രാമഭദ്രൻ നന്ദിയും പറഞ്ഞു.