Asian Metro News

സഹകരണ ബാങ്ക് തട്ടിപ്പ്; വെട്ടിലായി സിപിഎമ്മും സര്‍ക്കാരും

 Breaking News
  • വയോജന പരിപാലനത്തിലെ മികവിന് കേരളത്തിന് വയോശ്രേഷ്ഠ സമ്മാൻ പുരസ്‌കാരം വയോജന പരിപാലത്തിലെ മികച്ച മാതൃകയ്ക്ക് കേന്ദ്ര സർക്കാരിന്റെ ‘വയോശ്രേഷ്ഠ സമ്മാൻ’  പുരസ്‌കാരം കേരളത്തിന് ലഭിച്ചതായി സാമൂഹ്യനീതി മന്ത്രി ഡോ. ആർ ബിന്ദു വാർത്താസമ്മേളനത്തിൽ പറഞ്ഞു.മുതിർന്ന പൗരർക്കുള്ള സേവനങ്ങളും സൗകര്യങ്ങളും ഏറ്റവും നന്നായി നടപ്പിൽ വരുത്തിയതിനാണ് ദേശീയ പുരസ്‌കാരം. ‘രക്ഷിതാക്കളുടെയും മുതിർന്ന പൗരരുടെയും...
  • ഭക്ഷ്യ സുരക്ഷയ്ക്ക് ദേശീയ പുരസ്‌കാരം: സൂചികയില്‍ സംസ്ഥാനത്തിന് രണ്ടാം സ്ഥാനം ഭക്ഷ്യ സുരക്ഷാ പദ്ധതി സൂചികയില്‍ സംസ്ഥാനത്തിന് ദേശീയ പുരസ്‌കാരം. ഫുഡ് സേഫ്റ്റി ആന്റ് സ്റ്റാന്റേര്‍ഡ്‌സ് അതോറിറ്റി ഓഫ് ഇന്ത്യയുടെ ഭക്ഷ്യ സുരക്ഷാ സൂചികയില്‍ രണ്ടാം സ്ഥാനമാണ് ലഭിച്ചത്. അഞ്ച് മാനദണ്ഡങ്ങള്‍ പരിഗണിച്ചാണ് പദ്ധതി നിര്‍വഹണത്തില്‍ സംസ്ഥാനങ്ങളുടെ പ്രകടനം വിലയിരുത്തിയത്. ട്രോഫിയും പ്രശസ്തി...
  • ചൊവ്വാഴ്ച 15,768 പേര്‍ക്ക് കോവിഡ്; രോഗമുക്തി നേടിയവര്‍ 21,367 കേരളത്തില്‍ ചൊവ്വാഴ്ച 15,768 പേര്‍ക്ക് കോവിഡ്-19 സ്ഥിരീകരിച്ചു. തൃശൂര്‍ 1843, കോട്ടയം 1632, തിരുവനന്തപുരം 1591, എറണാകുളം 1545, പാലക്കാട് 1419, കൊല്ലം 1407, മലപ്പുറം 1377, ആലപ്പുഴ 1250, കോഴിക്കോട് 1200, കണ്ണൂര്‍ 993, പത്തനംതിട്ട 715, ഇടുക്കി 373,...
  • തീവ്രവാദ പ്രസ്ഥാനങ്ങൾക്ക് നൻമയുടെ മുഖം നൽകുന്നത് സാമൂഹ്യ ഐക്യത്തെ ദുർബലപ്പെടുത്തും: മുഖ്യമന്ത്രി തീവ്രവാദ പ്രസ്ഥാനങ്ങൾക്ക് നൻമയുടെ മുഖം നൽകുന്നത് നമ്മുടെ സാമൂഹ്യ ഐക്യത്തെ ദുർബലപ്പെടുത്തുമെന്ന് മുഖ്യമന്ത്രി പിണറായി വിജയൻ പറഞ്ഞു. സ്വാതന്ത്ര്യത്തിന്റെ പര്യായമായി വരെ അത്തരം പ്രസ്ഥാനങ്ങളെ ചിലർ ഉയർത്തിക്കാട്ടുന്നുണ്ട്. ഇത്തരം പ്രതിലോമകരമായ കാഴ്ചപ്പാടുകൾ നമ്മുടെ സ്വാതന്ത്ര്യത്തെ തന്നെ അപകടത്തിലാക്കുമെന്ന് മുഖ്യമന്ത്രി പറഞ്ഞു. കേരളത്തിലെ...
  • മാജിക് പ്‌ളാനറ്റിലെ ഡിഫറന്റ് ആർട്ട് സെന്റർ മന്ത്രി സന്ദർശിച്ചു കഴക്കൂട്ടം മാജിക് പ്‌ളാനറ്റിലെ ഡിഫറന്റ് ആർട്ട് സെന്റർ തദ്ദേശസ്വയംഭരണ മന്ത്രി എം. വി. ഗോവിന്ദൻ മാസ്റ്റർ സന്ദർശിച്ചു. ഒക്‌ടോബറിൽ ഇവിടെ സംഘടിപ്പിക്കുന്ന സഹയാത്ര പദ്ധതിയുടെ ലോഗോ മന്ത്രി പ്രകാശനം ചെയ്തു. വിവിധ ശേഷിയുള്ള കുട്ടികളാണ് ഇവിടെയുള്ളതെന്ന് മന്ത്രി പറഞ്ഞു. ഓരോരുത്തർക്കും വ്യത്യസ്തമായ...

സഹകരണ ബാങ്ക് തട്ടിപ്പ്; വെട്ടിലായി സിപിഎമ്മും സര്‍ക്കാരും

സഹകരണ ബാങ്ക് തട്ടിപ്പ്; വെട്ടിലായി  സിപിഎമ്മും സര്‍ക്കാരും
July 25
11:30 2021

സിപിഎം അകപ്പെട്ട പ്രതിസന്ധിയുടെ വ്യാപ്തി തിരിച്ചറിഞ്ഞ യുഡിഎഫ് ആക്രമണം കടുപ്പിച്ചിട്ടുണ്ട്. സിപിഎം ഭരണസമിതിക്ക് കീഴിലുള്ള കരുവന്നൂര്‍ സര്‍വ്വീസ് സഹകരണ ബാങ്കില്‍ നടന്ന കോടികളുടെ തട്ടിപ്പ് സൃഷ്ടിച്ച വിഷമവൃത്തത്തില്‍ നിന്ന് തലയൂരാനാകാതെ പാര്‍ട്ടി നേതൃത്വവും സര്‍ക്കാരും. തട്ടിപ്പ് വിവരം തുടക്കത്തിലേ അറിഞ്ഞിട്ടും പാര്‍ട്ടി കണ്ണടച്ചെന്ന ആക്ഷേപം ശക്തമാണ്. പ്രതികളുടെ ഭാര്യമാരുടെ പങ്കാളിത്തത്തിലുള്ള സൂപ്പര്‍ മാര്‍ക്കറ്റുകളുടെ ഉദ്ഘാടനത്തിന് അന്ന് മന്ത്രിയായിരുന്ന എ സി മൊയ്തീന്‍ പങ്കെടുത്ത ചിത്രം കൂടി പുറത്തുവന്നത് കൂടുതല്‍ കുരുക്കായി. മന്ത്രിയും രാഷ്ട്രീയ പ്രവര്‍ത്തകനുമെന്ന നിലയില്‍ പങ്കെടുത്തതാണെന്നും പ്രതികളാരും തന്റെ ബന്ധുക്കളല്ലെന്നുമാണ് മൊയ്തീന്റെ വിശദീകരണം.

കരുവന്നൂര്‍ തട്ടിപ്പിന്റെ പശ്ചാത്തലത്തില്‍, സിപിഎം ഭരിക്കുന്ന മുഴുവന്‍ സഹകരണ സ്ഥാപനങ്ങളിലും പാര്‍ട്ടി തലത്തില്‍ സൂക്ഷ്മ പരിശോധനയും ജാഗ്രതയും ഉറപ്പാക്കാന്‍ സംസ്ഥാന സെക്രട്ടേറിയറ്റ് നിര്‍ദ്ദേശിച്ചു. ജില്ലകളില്‍ നിന്നുള്ള പരാതികളില്‍ കര്‍ശന നടപടിക്ക് സര്‍ക്കാരിനോടും ശുപാര്‍ശ ചെയ്തതായാണ് പുറത്തുവരുന്ന വിവരം. സിപിഎം അകപ്പെട്ട പ്രതിസന്ധിയുടെ വ്യാപ്തി തിരിച്ചറിഞ്ഞ യുഡിഎഫ് ആക്രമണം കടുപ്പിച്ചിട്ടുണ്ട്. സഹകരണ സംഘങ്ങളിലൂടെ കള്ളപ്പണം ഒഴുക്കുന്നെന്ന ആക്ഷേപം നേരത്തേ ഉയര്‍ത്തുന്ന ബിജെപിക്കും ഇത് വീണുകിട്ടിയ ആയുധമാണ്. സഹകരണമന്ത്രാലയം രൂപീകരിച്ച് അമിത് ഷായെ ചുമതലയേല്‍പിച്ച മോദി സര്‍ക്കാരിന്, കേരളം പോലുള്ള സംസ്ഥാനങ്ങളില്‍ ഇടപെടാന്‍ വഴിയൊരുക്കുകയാണ് സിപിഎമ്മെന്ന വിമര്‍ശനം യുഡിഎഫ് ഉയര്‍ത്തിക്കഴിഞ്ഞു.

മുന്നൂറ് കോടിയില്‍പ്പരം രൂപയുടെ അഴിമതിയാണ് കരുവന്നൂര്‍ ബാങ്കില്‍ നടന്നത്. പരാതി ഉയര്‍ന്നപ്പോള്‍ സിപിഎം സംസ്ഥാനസമിതി അംഗം പി കെ ബിജുവിനെ അന്വേഷണച്ചുമതല ഏല്‍പിച്ച പാര്‍ട്ടി നേതൃത്വത്തിന് വിഷയം നേരത്തേ അറിഞ്ഞില്ലെന്നു പറഞ്ഞ് കൈകഴുകാനാകില്ല.

2017ലാണ് ക്രമക്കേട് ആദ്യം പുറത്തുവരുന്നത്. ഒന്നാം പിണറായി മന്ത്രിസഭയില്‍ ആദ്യം സഹകരണ വകുപ്പ് വഹിച്ചത് തൃശൂരിലെ മുതിര്‍ന്ന സംസ്ഥാനസമിതി അംഗവും മുന്‍ ജില്ലാ സെക്രട്ടറിയുമായ എ സി മൊയ്തീനാണ്. പരാതികളുയര്‍ന്നപ്പോള്‍ ഇടപെടാന്‍ അദ്ദേഹവും ജാഗ്രത കാട്ടിയില്ലെന്ന വിമര്‍ശനമുണ്ട്. അതിനിടയിലാണ് ഇന്നലെ അദ്ദേഹത്തിനെതിരായ പുതിയ ആരോപണമുയര്‍ന്നത്. സിപിഎം സംസ്ഥാന സെക്രട്ടേറിയറ്റിലെ മുതിര്‍ന്ന അംഗം ബേബിജോണും കേന്ദ്രകമ്മിറ്റി അംഗമായ മന്ത്രി കെ രാധാകൃഷ്ണനുമടക്കം പങ്കെടുക്കാറുള്ള ജില്ലാ സെക്രട്ടേറിയറ്റില്‍ പരാതികള്‍ ഉയര്‍ന്നിട്ടും ഇടപെടുന്നതില്‍ അലംഭാവമുണ്ടായി. തുടക്കത്തിലേ തടയിട്ടിരുന്നെങ്കില്‍ തട്ടിപ്പിന്റെ വ്യാപ്തി കുറക്കുകയെങ്കിലും ആകാമായിരുന്നു എന്നാണ് സി പി എം ലുംസംസാരമുണ്ട്.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment