കൊട്ടാരക്കര – ഇന്നലെ (25.06.2021) രാവിലെ 11.30 മണിയോടെ അമ്പലപ്പുറം നായനാർ ജംഗ്ഷനിൽ വച്ച് വിലങ്ങറ, നെല്ലിക്കുന്നം കുറ്റിമേലതിൽ വീട്ടിൽ പൊന്നച്ചൻ എന്നു വിളിക്കുന്ന ജോർജുകുട്ടിയാണ് (49) അമ്പലപ്പുറം സ്വദേശിനികളായ അമ്മയേയും മകളേയും ആക്രമിച്ചത്. ഇവരുടെ പരാതിയിൽ കൊട്ടാരക്കര പോലീസ് കേസ്സെടുത്ത് പ്രതിയെ അറസ്റ്റ് ചെയ്യുകയായിരുന്നു. പരാതിക്കാരിയോടുള്ള മുൻ വൈരാഗ്യമാണ് പ്രതിയെ ആക്രമണത്തിന് പ്രേരിപ്പിച്ചത്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
