തിരുവനന്തപുരം: രമേശ് ചെന്നിത്തല പ്രതിപക്ഷനേതാവിന്‍റെ ഔദ്യോഗിക വസതി ഒഴിഞ്ഞു. കന്‍റോണ്‍മെന്‍റ് ഹൗസില്‍ നിന്നാണ് അദ്ദേഹം ഒഴിഞ്ഞത്. വി ഡി സതീശനെ യുഡിഎഫ് പ്രതിപക്ഷ നേതാവിനെ തെരഞ്ഞെടുത്തതോടെ ആണ് അദ്ദേഹം ഔദ്യോഗിക വസതി ഒഴിഞ്ഞത്.അദ്ദേഹം ഇപ്പോള്‍ തിരുവനന്തപുരത്തെ ഈശ്വര വിലാസം റോഡിലെ സ്വന്തം വീട്ടിലേക്ക് മാറി.
വിഡി സതീശനെ കോൺഗ്രസ് പാർലമെന്ററി പാർട്ടി നേതാവായി തെരഞ്ഞെടുത്ത ഹൈക്കമാൻഡ് തീരുമാനത്തെ അംഗീകരിക്കുന്നുവെന്ന് രമേശ് ചെന്നിത്തല വ്യക്തമാക്കി. കോൺഗ്രസ് പാർലമെന്ററി പാർട്ടി നേതാവിനെ തെരഞ്ഞെടുക്കാൻ ഹൈക്കമാൻഡിനോട് നിർദേശിച്ചിരുന്നു. വിഡി സതീശനെ നേതാവായി തെരഞ്ഞെടുത്തു. വിഡി സതീശനെ അഭിനന്ദിക്കുന്നതായും രമേശ് ചെന്നിത്തല പറഞ്ഞു.