രാജ്യത്ത് ഏകീകൃത സിവിൽ കോഡും ജനസംഖ്യ നിയന്ത്രണവും ബിജെപി നടപ്പാക്കുമെന്ന് തൃശ്ശൂരിലെ എൻഡിഎ സ്ഥാനാർഥി സുരേഷ്ഗോപി. രാജ്യസ്നേഹമുള്ളവർക്ക് ഇത് അംഗീകരിക്കാതിരിക്കാൻ സാധിക്കില്ല.
എല്ലാ പൗരൻമാരുടെയും അവകാശങ്ങൾ സംരക്ഷിക്കുന്നതിന് ഏകീകൃത സിവിൽ കോഡ് നടപ്പാക്കും. ജനസംഖ്യാ നിയന്ത്രണത്തിനുള്ള നടപടികളും സ്വീകരിക്കും. ജനാധിപത്യപരമായ രീതിയിലാകും ഇവ നടപ്പാക്കുക. ലൗ ജിഹാദ്, ശബരിമല വിഷയങ്ങളിൽ നിയമത്തിന്റെ വഴികളിലൂടെയാകും ഇടപെടലെന്നും സുരേഷ് ഗോപി പറഞ്ഞു
ബിജെപിയെ അധികാരത്തിലെത്തിച്ചാൽ ആത്മവിശ്വാസത്തോടെയും ആത്മാർഥതയോടെയും ഭരണം നടത്തും. ആരായിരിക്കും മുഖ്യമന്ത്രിയെന്ന് ഇപ്പോൾ പറയാനാകില്ല. അക്കാര്യം പാർട്ടി തീരുമാനിക്കുമെന്നും സുരേഷ്ഗോപി പറഞ്ഞു