തിരുവനന്തപുരം : നിയമസഭാ തെരഞ്ഞെടുപ്പിൽ മത്സരിക്കാനൊരുങ്ങി ട്വൻറി 20. കുന്നത്ത്നാട് സീറ്റിൽ വിജയസാധ്യതയുണ്ട്. സഖ്യത്തിനായി മൂന്ന് മുന്നണികളും സമീപിച്ചിട്ടുമുണ്ട്. ചർച്ചകൾ ഇപ്പോഴും നടക്കുന്നുണ്ട്. മുന്നണികളുമായി ധാരണയുണ്ടാക്കിയാലും ട്വൻറി-ട്വൻറി സ്ഥാനാർഥിയാകും മത്സരിക്കുക.
സ്ഥാനാർഥികളായി പരിഗണിക്കുന്നവർ ഉയർന്ന യോഗ്യതയുള്ളവരായിരിക്കുമെന്നും ചീഫ് കോർഡിനേറ്റർ സാബു എം. ജേക്കബ് വ്യക്തമാക്കി. മുന്നണി ധാരണ ചർച്ചകൾക്കായി യു.ഡി.എഫ് നേതാക്കൾ നേരിട്ടെത്തിയിരുന്നുവെന്നും സാബു എം. ജേക്കബ് പറഞ്ഞു.