ന്യൂഡൽഹി: ഡൽഹി അതിർത്തി പ്രദേശത്ത് കർഷക പ്രക്ഷോഭം കൂടുതൽ ശക്തിയാർജ്ജിക്കുന്നു .സമര ഭൂമിയിലേക്ക് കർഷകരുടെ ഒഴുക്ക് തുടരുകയാണ് .അതേസമയം, കർഷകരെ ഏതു വിധേനയും തടയാനുള്ള നീക്കങ്ങൾ കടുപ്പിക്കുകയാണ് കേന്ദ്രം.
ഡൽഹിയിലേക്ക് വരുന്ന ലോക്കൽ ട്രെയിനുകൾക്ക് നിയന്ത്രണം ഏർപ്പെടുത്തി.രാജസ്ഥാൻ, പഞ്ചാബ്, ഉത്തർപ്രദേശ്, ഹരിയാന എന്നിവിടങ്ങളിൽ നിന്നുള്ള ട്രെയിനുകളാണ് തിരിച്ചുവിട്ടത്. സമരസ്ഥലത്തേക്ക് കർഷകർ തീവണ്ടിയിൽ എത്തുന്ന സാഹചര്യത്തിലാണ് നടപടി.
അതെ സമയം പഞ്ചാബ് മെയിലും കഴിഞ്ഞ ദിവസം വഴിതിരിച്ചുവിട്ടിരുന്നു . ഈ ട്രെയിനിൽ ആയിരത്തോളം കർഷകർ ഉണ്ടെന്ന് കർഷകർ സംഘടനകൾ അറിയിച്ചിരിക്കുന്നത്. യുപിയിൽ നിന്ന് വരുന്ന ട്രെയിനുകൾക്ക് നിയന്ത്രണം ഏർപ്പെടുത്തിയിട്ടുണ്ട്.
അതേസമയം, പാളത്തിലെ സാങ്കേതിക പ്രശ്‌നങ്ങൾ കാരണമാണ് ട്രെയിനുകൾ വഴി തിരിച്ചുവിട്ടതെന്നാണ് റെയിൽവേ അധികൃതർ നൽകുന്ന വിശദീകരണം