ചെന്നൈ : മുത്തൂറ്റ് ഫിനാന്സിന്റെ തമിഴ്നാട് കൃഷ്ണഗിരി ഹൊസൂര് ശാഖയില് വന് കവര്ച്ച. തോക്ക് ചൂണ്ടിയെത്തിയ കൊള്ളസംഘം ഏഴുകോടി രൂപയുടെ സ്വര്ണ്ണം കവര്ന്നു. മുഖംമൂടി ധരിച്ചിരുന്ന സംഘം മാനേജരെ ഉള്പെടെ കെട്ടിയിട്ടാണ് കൊള്ള നടത്തിയത്. രാവിലെ പത്തുമണിക്ക് സ്ഥാപനം തുറന്ന ഉടനെയായിരുന്നു കവര്ച്ച.
സിസിടിവി ദൃശ്യങ്ങള് കേന്ദ്രീകരിച്ചും ജീവനക്കാരുടെ മൊഴിയുടെ അടിസ്ഥാനത്തിലും പൊലീസ് അന്വേഷണം നടത്തുകയാണ്. രണ്ടാഴ്ച മുൻപ് മുത്തൂറ്റിന്റെ ഇതേശാഖയില് കവര്ച്ചാശ്രമം നടന്നിരുന്നു.