Asian Metro News

റിപബ്ലിക് ദിനത്തിൽ ട്രാക്ടർ പരേഡ് നടത്താൻ കർഷകർ

 Breaking News

റിപബ്ലിക് ദിനത്തിൽ ട്രാക്ടർ പരേഡ് നടത്താൻ കർഷകർ

റിപബ്ലിക് ദിനത്തിൽ ട്രാക്ടർ പരേഡ് നടത്താൻ കർഷകർ
January 02
10:51 2021

ന്യൂഡല്‍ഹി: കാര്‍ഷിക നിയമങ്ങള്‍ പിന്‍വലിക്കുന്നതുള്‍പ്പടെയുള്ള ആവശ്യങ്ങള്‍ അംഗീകരിച്ചില്ലെങ്കില്‍ ജനുവരി 26ന് ഡല്‍ഹിയിലേക്ക്​​ ട്രാക്​ടര്‍ പരേഡ്​ നടത്തുമെന്ന്​ അതിര്‍ത്തിയില്‍ സമരം ചെയ്യുന്ന കര്‍ഷകര്‍. തിങ്കളാഴ്ച കേന്ദ്രസര്‍ക്കാറുമായി ചര്‍ച്ച നടക്കാനിരിക്കെയാണ്​ കര്‍ഷകരുടെ മുന്നറിയിപ്പ്​.

ജനുവരി നാലിന്​ കേന്ദ്രസര്‍ക്കാറുമായി ചര്‍ച്ച നടത്തുകയാണ്​. ജനുവരി അഞ്ചിന്​ സുപ്രീംകോടതി കേസ്​ പരിഗണിക്കുന്നുണ്ട്​. എന്നിട്ടും കാര്‍ഷിക നിയമങ്ങള്‍ പിന്‍വലിച്ചില്ലെങ്കില്‍ ജനുവരി ആറിന്​ കുണ്ഡലി-മനേസര്‍-പാല്‍വാര്‍ എകസ്​പ്രസ്​ ഹൈവേയില്‍ ട്രാക്​ടര്‍ റാലി നടത്തുമെന്ന്​ കര്‍ഷകര്‍ അറിയിച്ചു.

ജനുവരി 23ന്​ സുഭാഷ്​ ചന്ദ്രബോസിന്‍റെ ജന്മദിനത്തില്‍ ഗവര്‍ണറുടെ വീടിന്​ മുന്നില്‍ പ്രതിഷേധം സംഘടിപ്പിക്കും. ജനുവരി 26ന്​ ഡല്‍ഹി ലക്ഷ്യമാക്കി വന്‍ ട്രാക്ടര്‍ റാലി നടത്തുമെന്നും കര്‍ഷകര്‍ അറിയിച്ചു. സമാധാനപരമായ പ്രതിഷേധമാണ്​ നടത്തുകയെന്നും കര്‍ഷകര്‍ പ്രത്യേകം വ്യക്​തമാക്കിയിട്ടുണ്ട്​.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment