കൊട്ടാരക്കര : പുതുവത്സര ആഘോഷത്തിനിടെ പോലീസിന് നേരെ ആക്രമണം. കുന്നിക്കോട് സി.ഐ മുബാറക്കിനും സംഘത്തിനും നേരെയായിരുന്നു ആക്രമണം. ചക്കുവരയ്ക്കല് ഭാഗത്ത് സംഘര്ഷാവസ്ഥ ഉണ്ടെന്നു ലഭിച്ച വിവരത്തിന്റെ അടിസ്ഥാനത്തിൽ അന്വേഷിക്കാനായി പോകുന്ന വഴിയിൽ മേലില ഭാഗത്തു വച്ചാണ് അക്രമം നടന്നത്. പോലീസ് ജീപ്പിനു നേരെ കല്ലെറിയുകയും ചില്ലുകൾ പൊട്ടിയതോടെ ജീപ്പ് നിർത്തി തുടർന്ന് കൂട്ടത്തോടെ എത്തിയ ആൾക്കാർ ഉദ്യോഗസ്ഥരെ ആക്രമിക്കുകയായിരുന്നു. പട്രോളിംഗ് ഡ്യൂട്ടിക്കെത്തിയ വനിതാ എസ്.ഐക്ക് നേരെയും കൈയ്യേറ്റ ശ്രമം ഉണ്ടായി.തുടർന്ന് സമീപ പോലീസ്റ്റേഷനുകളിൽ നിന്ന് ഉദ്യോഗസ്ഥർ എത്തിയാണ് ഇവരെ നിയന്ത്രിച്ചത് . സംഭവവുമായി ബന്ധപ്പെട്ട് ഒരാളെ പോലീസ് അറസ്റ്റ് ചെയ്യുകയും ചെയ്തു .