ഡൽഹി : കോവിഡ് വൈറസിന്റെ പുതിയ വകഭേദം ഇന്ത്യയിലും കണ്ടത്തിയ സാഹചര്യത്തില് ഡല്ഹിയില് ഇന്നും നാളെയും രാത്രി കര്ഫ്യൂ പ്രഖ്യാപിച്ചു. രാത്രി 11 മുതല് രാവിലെ ആറുവരെയാണ് നിയന്ത്രണം.നിയന്ത്രണം ഏര്പ്പെടുത്താന് സംസ്ഥാനങ്ങള്ക്ക് കേന്ദ്രത്തിന്റെ നിര്ദേശവും ഉണ്ടായിരുന്നു. സംസ്ഥാനത്തെ സ്ഥിതിഗതികള് വിലയിരുത്തിയ ശേഷം നിയന്ത്രണം ഏര്പ്പെടുത്താനായിരുന്നു കേന്ദ്രത്തിന്റെ നിര്ദേശം.
പൊതു സ്ഥലങ്ങളില് ഈ സമയത്ത് ആളുകള് കൂട്ടം കൂടുന്നത് നിരോധിച്ചിട്ടുണ്ടെന്ന് ഡല്ഹി ചീഫ് സെക്രട്ടറി വിജയ് ദേവ് പറഞ്ഞു. പുതുവത്സര ആഘോഷങ്ങള്ക്ക് നിയന്ത്രണം ഏര്പ്പെടുത്തിയിട്ടില്ലെങ്കില് കൊറോണ വ്യാപനം കൂടാന് സാദ്ധ്യതയുണ്ടെന്നാണ് സര്ക്കാര് വിലയിരുത്തല്. ഡല്ഹിക്ക് പുറമെ രാജസ്ഥാന്, പഞ്ചാബ്, മഹാരാഷ്ട്ര, കര്ണാടക എന്നീ സംസ്ഥാനങ്ങളും പുതുവത്സര ദിവസത്തില് നിയന്ത്രണം ഏര്പ്പെടുത്തിയിട്ടുണ്ട്.