Asian Metro News

കോട്ടയം: തദ്ദേശ തെരഞ്ഞെടുപ്പില്‍ പോളിംഗ് ശതമാനം കുറഞ്ഞത് വിജയത്തെ ബാധിക്കില്ലെന്ന് ജോസ് കെ മാണി. ഇടതുപക്ഷത്തിന് മുന്നേറ്റമുണ്ടായാല്‍ അത് കൂട്ടായ പ്രവര്‍ത്തനത്തിന്റെ ഭാഗമെന്നും കോട്ടയം ജില്ലാ പഞ്ചായത്തില്‍ ബഹുഭൂരിപക്ഷം നേട്ടമുണ്ടാകുമെന്നും ജോസ് കെ മാണി പറഞ്ഞു. ത​ദ്ദേ​ശ തെ​ര​ഞ്ഞെ​ടു​പ്പി​ല്‍ ഇ​ട​തു​മു​ന്ന​ണി വോ​ട്ടു​ക​ളെ​ല്ലാം പോ​ള്‍ ചെ​യ്ത​താ​യി ജോസ് കെ മാണി പറഞ്ഞു. ജി​ല്ലാ പ​ഞ്ചാ​യ​ത്തി​ലും പാ​ലാ​ന​ഗ​ര​സ​ഭ​യി​ലും ബ​ഹു​ഭൂ​രി​പ​ക്ഷം സീ​റ്റു​ക​ളും നേ​ടു​മെ​ന്നും അ​ദ്ദേ​ഹം പ​റ​ഞ്ഞു.

തെ​ര​ഞ്ഞെ​ടു​പ്പി​ല്‍ എ​ല്‍​ഡി​എ​ഫി​നു മി​ക​ച്ച മു​ന്നേ​റ്റം ഉ​ണ്ടാ​കു​മെ​ന്ന് ജോ​സ് കെ. ​മാ​ണി വോ​ട്ടെ​ടു​പ്പ് ദി​വ​സം പ​റ​ഞ്ഞി​രു​ന്നു. കെ.​എം. മാ​ണി​യെ സ്നേ​ഹി​ക്കു​ന്ന​വ​ര്‍ ര​ണ്ടി​ല​യ്ക്കു വോ​ട്ടു ചെ​യ്യു​മെ​ന്നും മാ​ണി​യെ ച​തി​ച്ച​വ​ര്‍​ക്കു​ള്ള മ​റു​പ​ടി ഈ ​തെ​ര​ഞ്ഞെ​ടു​പ്പി​ലൂ​ടെ ല​ഭി​ക്കു​മെ​ന്നും അ​ദ്ദേ​ഹം പ​റ​ഞ്ഞു. പി.​ജെ. ജോ​സ​ഫ് ര​ണ്ടി​ല​യോ​ട് കാ​ട്ടി​യ​ത് വെ​റും നാ​ട്യ​മാ​ണ്. പാ​ലാ​യി​ല്‍ പോ​ളിം​ഗ് ശ​ത​മാ​നം ഉ​യ​ര്‍​ന്ന​ത് ഇ​ട​തി​ന് അ​നു​കൂ​ല​മാ​കു​മെ​ന്നും ജോ​സ് കെ. ​മാ​ണി അ​ഭി​പ്രാ​യ​പ്പെ​ട്ടു.

രണ്ടാംഘട്ട പോളിംഗ് നടന്ന വ്യാഴാഴ്ച വൈകിട്ട് 6.30 വരെ 76 ശതമാനം പേര്‍ വോട്ട് ചെയ്തതായി തെരഞ്ഞെടുപ്പ് കമ്മീഷന്‍ അറിയിച്ചു. വ്യാഴാഴ്ച വൈകിട്ട് ആറര വരെയുള്ള കണക്കുകള്‍ പ്രകാരം, കോട്ടയം-73.72, എറണാകുളം-76.74, തൃശൂര്‍ -74.58, പാലക്കാട്-77.53, വയനാട്- 79.22 ശതമാനം എന്നിങ്ങനെയാണ് പോളിംഗ് രേഖപ്പെടുത്തിയത്.