തിരുവനന്തപുരം: മുഖ്യ തെരഞ്ഞെടുപ്പ് ഓഫീസർ ടിക്കാറാം മീണയ്ക്ക് തദ്ദേശ തെരഞ്ഞെടുപ്പിൽ വോട്ട് ചെയ്യാനാവില്ല. തദ്ദേശ തെരഞ്ഞെടുപ്പിനുള്ള പട്ടികയിൽ ടിക്കാറാം മീണയുടെ പേരില്ലാത്തതിനാലാണ് അദ്ദേഹത്തിന് വോട്ട് ചെയ്യാൻ കഴിയാത്തത്.
വോട്ടേഴ്സ് ലിസ്റ്റിൽ പേരുണ്ടോയെന്ന് ഇന്നലെയാണ് പരിശോധിച്ചതെന്ന് ടിക്കാറാം മീണ വ്യക്തമാക്കി. ലോക്സഭാ തെരഞ്ഞെടുപ്പ് ലിസ്റ്റിൽ പേരുണ്ടായിരുന്നു. അന്ന് വോട്ട് ചെയ്തിരുന്നുവെന്നു. ലോക്സഭാ വോട്ടേഴ്സ് ലിസ്റ്റിൽ പേരുണ്ടായതിനാൽ ഈ ലിസ്റ്റിലും ഉണ്ടാകുമെന്നാണ് കരുതിയത്.
എന്നാൽ ലോക്സഭാ തെരഞ്ഞെടുപ്പ് ലിസ്റ്റല്ല തദ്ദേശ തെരഞ്ഞെടുപ്പിൽ ഉപയോഗിക്കുന്നത്. ആരെയും കുറ്റപ്പെടുത്തുന്നില്ലെന്നും എന്നാൽ ബൂത്ത് ലെവൽ ഓഫീസർമാർക്ക് ഇക്കാര്യം പരിശോധിക്കാമായിരുന്നുവെന്നും അദ്ദേഹം പറഞ്ഞു.