തിരുവനന്തപുരം: തദ്ദേശ തെരഞ്ഞെടുപ്പ് തെരഞ്ഞെടുപ്പുമായി ബന്ധപ്പെട്ട് സംവരണ വാര്ഡ് നിര്ണയത്തിനെതിരായ ഹര്ജികള് ഹൈക്കോടതി തള്ളി. തദ്ദേശ തെരഞ്ഞെടുപ്പില് തുടര്ച്ചയായി മൂന്നാം തവണയും ഒരേ വാര്ഡ് തന്നെ സംവരണ വാര്ഡുകളായി നിശ്ചയിച്ചത് ചോദ്യം ചെയ്തായിരുന്നു ഹര്ജികള്. ഇത്തരത്തില് ആകെ 87 ഹര്ജികളാണ് ഹൈക്കോടതിയുടെ പരിഗണനയിലെത്തിയത്. എല്ലാ ഹര്ജികളും ഹൈക്കോടതി തള്ളി. ഹര്ജിക്കാര് കോടതിയെ സമീപിച്ചത് അവസാന ഘട്ടത്തിലാണെന്നും തെരഞ്ഞെടുപ്പ് ഷെഡ്യൂള് വന്നതിന് ശേഷം ഇടപെടുന്നത് ശരിയല്ലെന്നും കോടതി ഹര്ജികള് തള്ളുന്നതിന് കാരണമായി ചൂണ്ടിക്കാട്ടി.
