Asian Metro News

കൂട്ടം കൂടിയിരുന്നതിനെ ചൊല്ലിത്തർക്കം; സംഘർഷത്തിനിടെ വെട്ടേറ്റ യുവാവ് മരിച്ചു

 Breaking News

കൂട്ടം കൂടിയിരുന്നതിനെ ചൊല്ലിത്തർക്കം; സംഘർഷത്തിനിടെ വെട്ടേറ്റ യുവാവ് മരിച്ചു

കൂട്ടം കൂടിയിരുന്നതിനെ ചൊല്ലിത്തർക്കം; സംഘർഷത്തിനിടെ വെട്ടേറ്റ യുവാവ് മരിച്ചു
October 10
07:39 2020

മലപ്പുറം : മലപ്പുറം തിരൂരില്‍ ഇരു സംഘങ്ങള്‍ തമ്മിലുണ്ടായ ഏറ്റുമുട്ടലില്‍ യുവാവ് കൊല്ലപ്പെട്ടു. കൂട്ടായി മേഖലയില്‍ ഇന്നലെ രാത്രിയാണ് യുവാക്കള്‍ ചേരി തിരിഞ്ഞ് ഏറ്റുമുട്ടിയത്. വെട്ടേറ്റ് ഗുരുതരമായി പരിക്കേറ്റ കൂട്ടായി മാസ്റ്റര്‍പടി സ്വദേശി യാസര്‍ അറാഫത്താണ് (26) മരിച്ചത്. കഴിഞ്ഞ ദിവസം (വെള്ളിയാഴ്ച) രാത്രി 11ഓടെയാണ് സംഘര്‍ഷം ഉണ്ടായത്.

മേഖലയിലെ ഒരു വീടിന് മുന്നില്‍ സംഘം ചേര്‍ന്ന് ഇരിക്കുന്നതുമായി ബന്ധപ്പെട്ട തര്‍ക്കമാണ് ഇരുവിഭാഗങ്ങള്‍ തമ്മിലുളള ഏറ്റുമുട്ടലായി മാറിയത്. സംഘങ്ങള്‍ ആയുധങ്ങളുമായി ഏറ്റുമുട്ടുകയായിരുന്നു. സംഭവത്തില്‍ സാരമായി പരുക്കേറ്റ മററ്റ് 2 പേര്‍ കോട്ടക്കലിലെ സ്വകാര്യ ആശുപത്രികളില്‍ ചികിത്സയിലുണ്ട്. മാസ്റ്റര്‍ പടി സ്വദേശി ഏനിന്റെ പുരക്കല്‍ ഷമീം(24), സഹോദരന്‍ സജീഫ്(26) എന്നിവരാണ് ചികില്‍സയിലുള്ളത്. കൊല്ലപ്പെട്ട യാസര്‍ അറാഫത്തിന്റെ മൃതദേഹം കോഴിക്കോട് മെഡിക്കല്‍ കോളജിലേക്കു മാറ്റി.

വീടിന് സമീപത്തെ എല്‍പി സ്‌കൂള്‍ മൈതാനത്ത് രാത്രി വൈകിയും ഇരിക്കുന്ന പതിവുകാരാണ് യാസര്‍ അറഫാത്തും സുഹൃത്തുക്കളും. ഇതിനെതിരെ ഗ്രൗണ്ടിന് സമീപത്തെ വീട്ടിലുള്ള അബൂബക്കര്‍ എന്നയാളും മക്കളും നിരവധി തവണ താക്കീത് നല്‍കിയിരുന്നു. സമാനമായ രീതിയില്‍ ഇന്നലെ രാത്രിയും വാക്കേറ്റം ഉണ്ടാവുകയും തുടര്‍ന്ന് സംഘര്‍ഷത്തിനും കാരണമായി. വെട്ടേറ്റ മൂന്നുപേരെയും തിരൂര്‍ ജില്ലാ ആശുപത്രിയിലെത്തിച്ചെങ്കിലും അറഫാത്ത് പിന്നീട് മരിക്കുകയായിരുന്നു. സംഭവം രാഷ്ട്രീയ സംഘര്‍ഷമല്ലെന്നും പ്രതികളെ കണ്ടെത്താന്‍ അന്വേഷണം ഊര്‍ജ്ജിതമാക്കിയതായും പോലിസ് വ്യക്തമാക്കി. തിരൂര്‍ ഡിവൈഎസ്പിയുടെ നേതൃത്വത്തില്‍ വന്‍ പോലീസ് സന്നാഹം സ്ഥലത്ത് ക്യാംപ് ചെയ്യുന്നു.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment