Asian Metro News

ജെ.ഇ.ഇ അഡ്വാന്‍സ്ഡ് പരീക്ഷ: റാങ്ക് തിളക്കത്തില്‍ കൊല്ലം

 Breaking News

ജെ.ഇ.ഇ അഡ്വാന്‍സ്ഡ് പരീക്ഷ: റാങ്ക് തിളക്കത്തില്‍ കൊല്ലം

ജെ.ഇ.ഇ അഡ്വാന്‍സ്ഡ് പരീക്ഷ: റാങ്ക് തിളക്കത്തില്‍ കൊല്ലം
October 05
12:12 2020

കൊല്ലം: ജോയന്‍റ് എന്‍ട്രന്‍സ് എക്‌സാമിനേഷന്‍ (ജെ.ഇ.ഇ) അഡ്വാന്‍സ്ഡ് 2020 പരീക്ഷയില്‍ സംസ്ഥാനതലത്തില്‍ രണ്ട് റാങ്കുകള്‍ കൊല്ലത്തിന്. അലന്‍ ബാബു (237), ആദിത്യ ബൈജു (592) എന്നിവരാണ് യഥാക്രമം രണ്ടും മൂന്നും റാങ്ക് നേടിയത്.

പേരൂര്‍ സുബിരിയ മന്‍സിലില്‍ ബാബു ഷെറീഫിന്റെയും സജീനയുടെയും മൂത്ത മകനാണ് അലന്‍ ബാബു. കേരള എന്‍ജിനീയറിങ് പ്രവേശന പരീക്ഷയില്‍ 270ാം റാങ്കായിരുന്നു അലന്. ദേശീയതലത്തില്‍ ജെ.ഇ.ഇ മെയിന്‍ 973, ബി.ആര്‍ക്ക് 189, ബി.പ്ലാനിങ് 117 എന്നിങ്ങനെയായിരുന്നു റാങ്ക്. സ്കൂള്‍ പഠനം അമൃതവിദ്യാലയത്തിലും പ്ലസ് ടു പഠനം മാന്നാനം കെ.ഇയിലുമാണ് പൂര്‍ത്തിയാക്കിയത്. കമ്ബ്യൂട്ടര്‍ സയന്‍സാണ് ഇഷ്ട വിഷയം. പിതാവ് ബാബു ഷെറീഫ് നെടുമ്ബന പഞ്ചായത്തിലെ ക്ലര്‍ക്കാണ്. മാതാവ് സജീന അഷ്ടമുടി ജി.എച്ച്‌.എസ്.എസിലെ അധ്യാപികയാണ്. സഹോദരന്‍ അമന്‍ ബാബു.

എന്‍ജിനിയറിങ്​ പ്രവേശന പരീക്ഷയില്‍ സംസ്ഥാനത്ത് നാലാം റാങ്കുകാരനാണ് ആദിത്യ ബൈജു. തൃക്കോവില്‍വട്ടം പഞ്ചായത്തിലെ വെട്ടിലത്താഴം മേലേമഠത്തില്‍ ആര്‍. ബൈജുവിന്റെയും, കൊല്ലം അമര്‍ദീപ് ഐ കെയര്‍ സെന്‍ററിലെ ഡോ. നിഷാ എസ്.പിള്ളയുടെയും മകനാണ്. ഏക സഹോദരന്‍ പത്താം ക്ലാസ്സ് വിദ്യാര്‍ത്ഥിയായ അഭിനവ്‌. അച്ഛന്‍ ആര്‍. ബൈജു മലപ്പുറം എടരിക്കാട് കെ.എസ്.ഇ.ബി. സെക്ഷനിലെ അസിസ്​റ്റന്‍റ് എക്സിസിക്യുട്ടീവ് എന്‍ജിനീയറാണ്. പുതുച്ചിറ നവദീപ്​ പബ്ലിക് സ്ക്കൂളിലാണ് പത്താം ക്ലാസ്സ് വരെ പഠിച്ചത്. പ്ലസ് ടു കോട്ടയം മാന്നാനം കുര്യാക്കോസ് ഏലിയാസ് ഹയര്‍ സെക്കന്‍ഡറി സ്കൂളിലായിരുന്നു.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment