തിരുവനന്തപുരം: സെക്രട്ടേറിയറ്റില് തീപിടുത്തം. പൊതുഭരണവകുപ്പ് സ്ഥിതിചെയ്യുന്ന നോര്ത്ത് സാന്ഡ് വിച്ച് ബ്ലോക്കിലാണ് തീപിടുത്തമുണ്ടായത്. ഏതാനും ഫയലുകളും ഒരു കമ്പ്യൂട്ടറും കത്തിനശിച്ചതായാണ് റിപ്പോർട്ട്. വൈകിട്ട് അഞ്ച് മണിയോടെയായിരുന്നു സംഭവം. ഫയര്ഫോഴ്സ് എത്തി തീ അണച്ചു.
ചീഫ് പ്രോട്ടോക്കോള് ഓഫീസറുടെ ഓഫീസിലാണ് തീപിടുത്തമുണ്ടായതെന്നാണ് സൂചന. കത്തിനശിച്ച ഫയലുകള് ഏതൊക്കെയാണെന്ന് വ്യക്തമല്ല. ഷോര്ട് സര്ക്യൂട്ട് ആണ് തീപിടിത്തത്തിന് കാരണം എന്നാണ് പ്രാഥമിക നിഗമനം.
പൊളിറ്റിക്കല് വിഭാഗത്തിലെ ഓഫീസുകള് പ്രവര്ത്തിക്കുന്ന കെട്ടിടത്തിലാണ് തീപ്പിടിത്തമുണ്ടായത്. രാഷ്ട്രീയമായി വലിയ പ്രാധാന്യമുള്ള മേഖലയാണിത്. പ്രോട്ടോക്കോള് ഓഫീസറുടെ ഓഫീസും ഇവിടെയാണുള്ളത്. സ്വര്ണക്കടത്തുമായി ബന്ധപ്പെട്ട ദൃശ്യങ്ങളും ഫയലുകളും എന്ഐഎ ആവശ്യപ്പെട്ടിട്ടുള്ളത് പ്രോട്ടോക്കോള് ഓഫീസറോടാണ്.