മുംബൈ : മഹാരാഷ്ട്രയില്‍ സംസ്ഥാനവ്യാപകമായി 1043 തടവുകാര്‍ക്കും 302 ജയില്‍ അധികൃതര്‍ക്കും കോവിഡ് സ്ഥിരീകരിച്ചു. ആറ് തടവുകാര്‍ രോഗബാധയേറ്റ് മരിച്ചതായും 818 പേര്‍ രോഗമുക്തി നേടിയതായും ജയില്‍ വകുപ്പ് അറിയിച്ചു.
കോവിഡ് വ്യാപനത്തെ തുടര്‍ന്ന് 10,480 തടവുകാരെയാണ് പരോളിലും ജാമ്യത്തിലുമായി വിട്ടത്. തടവുകാര്‍ തിങ്ങിപാര്‍ക്കുന്ന ജയിലുകളില്‍ ആളുകളുടെ എണ്ണം കുറക്കാനായാണ് തീരുമാനം.
മഹാരാഷ്ട്രയില്‍ ഇന്നലെ 8493 പേര്‍ക്കാണ് പുതുതായി കോവിഡ് സ്ഥിരീകരിച്ചത്. 228 പേര്‍ മരിക്കുകയും ചെയ്തു. ഇതോടെ ആകെ രോഗികളുടെ എണ്ണം 6,04,358 ആയി. ആകെ 20,265 പേരാണ് മഹാരാഷ്ട്രയില്‍ മാത്രം മരിച്ചത്.